बुधवार, कार्तिक १२ गते २०८३

Logo बुधवार, कार्तिक १२ गते २०८३

TRENDING :

  • #
  • #
  • #
  • #
  • #
    • images
    images

    लायन्स क्लब अफ देवदह प्रोफेसनल युथको आयोजनामा नि:शुल्क स्वास्थ्य शिविर

    लायन्स क्लब अफ देवदह प्रोफेसनल युथको आयोजनामा नि:शुल्क स्वास्थ्य शिविर

    images
    लुम्बिनी पाना
  • 343
    SHARES
    • images
    images
    images
    लायन्स क्लब अफ देवदह प्रोफेसनल युथको आयोजनामा नि:शुल्क स्वास्थ्य शिविर
    images
    images
    images

    लुम्बिनी पाना, देवदह। रुपन्देहीको देवदह नगरपालिका–५, खैरेनीस्थित पाठक फुडल्याण्डमा आयोजित निःशुल्क स्वास्थ्य शिविरमा १५० जनाको मधुमेह तथा ९४ जनाको दन्त परीक्षण गरिएको छ। लायन्स क्लब अफ देवदह प्रोफेसनल युथको आयोजनामा शनिबार सम्पन्न शिविरमा स्वास्थ्य परीक्षणसँगै आवश्यक परामर्शसमेत प्रदान गरिएको थियो ।

    आयोजकका अनुसार मधुमेह परीक्षण गराएका व्यक्तिमध्ये २२ प्रतिशतको रगतमा चिनीको मात्रा उच्च देखिएको थियो। ग्लुकोमिटरबाट गरिएको परीक्षण प्रारम्भिक स्क्रिनिङ भएकाले यसैका आधारमा मधुमेह भएको पुष्टि हुँदैन। मधुमेहको यकिन पहिचानका लागि चिकित्सकीय मूल्याङ्कन तथा आवश्यक थप परीक्षण गर्नुपर्ने हुन्छ ।

    images
    images
    images

    त्यस्तै, दन्त परीक्षण गराएकामध्ये करिब ४० प्रतिशतमा दन्त क्षय अर्थात् दाँतमा कीरा लाग्ने समस्या देखिएको आयोजकले जनाएको छ। शिविरमा एक जनाको दाँत निकालिएको थियो। परीक्षणका क्रममा मुख तथा दाँतको सरसफाइमा समेत सुधार गर्नुपर्ने अवस्था देखिएको आयोजकको विवरणमा उल्लेख छ ।

    कोलिय देवदह बचत तथा ऋण सहकारी संस्था लिमिटेडको २१औँ वार्षिक साधारणसभाको मूल समारोहको अवसरमा सहकारीको सहकार्यमा शिविर आयोजना गरिएको हो। बिहान १० बजे सुरु भएको कार्यक्रम क्लबका अध्यक्ष लायन नवीन थापा मगरको अध्यक्षतामा सम्पन्न भएको थियो।

    कार्यक्रममा लायन्स इन्टरनेसनल डिस्ट्रिक्ट ३२५ पी नेपालका डिस्ट्रिक्ट एक्सन टिम कोअर्डिनेटर एमजेएफ लायन विष्णुप्रसाद पौडेल प्रमुख अतिथि थिए। उनले समुदायको स्वास्थ्य प्रवर्द्धन र जनचेतना अभिवृद्धिमा लायन्सको भूमिकाबारे चर्चा गर्दै ‘हामी सेवा गर्छौँ’ भन्ने सेवाभावलाई व्यवहारमा उतार्नुपर्ने बताए। समुदायस्तरमा स्वास्थ्य परीक्षण तथा परामर्शको पहुँच विस्तार गर्न लायन्स क्लब, सहकारी र स्वास्थ्य संस्थाबीचको सहकार्यलाई निरन्तरता दिनुपर्नेमा उनले जोड दिए।

    क्लबका अध्यक्ष थापा मगरले समुदायमै सहज र निःशुल्क स्वास्थ्य परीक्षण तथा परामर्श उपलब्ध गराउनु शिविरको मुख्य उद्देश्य रहेको बताए। मधुमेह लायन्सको विश्वव्यापी सेवा क्षेत्रमध्ये एक भएकाले यससम्बन्धी परीक्षण र जनचेतनामूलक कार्यक्रमलाई प्राथमिकता दिइएको उल्लेख गर्दै उनले समुदायको आवश्यकताअनुसार सेवामूलक कार्यक्रमलाई निरन्तरता दिने प्रतिबद्धता व्यक्त गरे ।

    कार्यक्रममा डिस्ट्रिक्ट चिफ, डिस्ट्रिक्ट डेपुटी चिफ, रिजन–९ का रिजन चेयरपर्सन, जोन–१८ का जोन चेयरपर्सन तथा डिस्ट्रिक्ट प्रोग्राम सदस्यहरूको सहभागिता थियो। कोलिय देवदह सहकारीका अध्यक्ष, उपाध्यक्ष, सचिव, कोषाध्यक्ष, प्रमुख कार्यकारी अधिकृत तथा उपप्रमुख कार्यकारी अधिकृतलगायतको पनि उपस्थिति थियो। त्यस्तै, लायन्स क्लब अफ देवदहका पूर्वअध्यक्ष, आयोजक क्लबका संस्थापक तथा निवर्तमान अध्यक्ष, पदाधिकारी, सदस्य र सर्वसाधारणको सहभागिता रहेको थियो।

    शिविरमा विजय डेन्टल होम, साधना पोलिक्लिनिक, केरवानी मेडिकल हल तथा बस्याल प्याथोलोजी एवं आरके क्लिनिकले प्राविधिक सहयोग गरेका थिए।

    कार्यक्रमको संयोजन तथा सञ्चालन आयोजक क्लबका जनसम्पर्क अधिकृत (पीआरओ) लायन राजु रेग्मीले गरेका थिए। कार्यक्रममा रिजन–९ का रिजन चेयरपर्सन एमजेएफ लायन कमल पौडेलले धन्यवाद ज्ञापन गरेका थिए।

    images
    images

    लुम्बिनी पाना

    लेखकबाट थप

    images
    images
    images
    ताजा अपडेट
    images
    images
    images
    सम्बन्धित समाचार

    रोट्रयाक्ट क्लब अफ तिलोत्तमा देवदहको शुभकामना आदानप्रदान, उपसमितिका सदस्यलाई प्रशिक्षण

    रोट्रयाक्ट क्लब अफ तिलोत्तमा देवदहमा शुभकामना आदानप्रदान, उपसमितिका सदस्यलाई प्रशिक्षण

    देवदह-५ का २१ वटा टोल विकास संस्थाको संयुक्त बैठक, सामाजिक विकृति नियन्त्रणमा जोड

    देवदहमा विश्व पोलियो दिवसको सन्दर्भमा जनचेतनामूलक साइकल र्‍याली आयोजना हुँदै

    सोसिअल मिडिया

    सम्पर्क

    लुम्बिनी पाना मिडिया प्रालिद्वारा सञ्चालित

    लुम्बिनी पाना डटकम

    सूचना तथा प्रसारण विभाग दर्ता नं-३२७९/०७८/०७९ 
    प्रधान कार्यालय:देवदह-३ रुपन्देही 

    कर्पाेरेट कार्यालय : बुटवल -१०,रुपन्देही

    मुख्य शाखा कार्यालय : तिनाउ गाउँपालिका -३ ,पाल्पा 
    समाचार तथा विज्ञापनको लागि 
    ९८५७०८३४५० ,९८४२००२४७८
    Email:lumbinipana312@gmail.com

    समाचारको लागी : newslumbinipana@gmail.com

    हाम्रो टिम

    प्रबन्ध सम्पादक : निर्मल एसपी थापा

    कार्यकारी सम्पादक :एलबी सर्बुजा 
    सम्पादक :  सुनिता थापा 


     

    हाम्रो बारेमा

    Copyright © All right reserved to Lumbini Pana Site By: Sobij