बुधवार, कार्तिक १२ गते २०८३
बुधवार, कार्तिक १२ गते २०८३
असोज १३, काठमाडौ।गोरखाको गण्डकी गाउँपालिका वडा नम्बर ५ दर्बुङ गाउँका किसान राजेन्द्र श्रेष्ठले पोखरीमा पालेका माछा मरेका छन्।कसैले पोखरीमा विष हालिदिएका कारण माछा मरेको हुन सक्ने श्रेष्ठको भनाइ छ।
.jpeg)
गत जेठमा पोखरीमा राखेका माछा दसैंमा बिक्री गर्ने उनको तयारी थियो। बूढीगण्डकी पशुपन्छी फार्म सञ्चालन गर्दै आएका श्रेष्ठले दुइटा पोखरीमा माछा पालेका थिए।
सोमबार बिहान दुबै पोखरीका माछा मरेका हुन्। भेटेरिनरीका कर्मचारीले मरेका माछाको पोस्टमार्टम गर्दा विषका कारण मरेको देखिएको हो।
किसान श्रेष्ठ कोरोनाका कारण आइसोलेसनमा छन्। उनको परिवार क्वारेन्टिनमा छ। पोखरीको रेखदेख गर्न नपाउँदा कसैले विष हालिदिएको हुन सक्ने अनुमान छ।
छ सय ५० वटा माछा मरेका छन्। उनले पोखरीमा माछालाई विष हालिदिने समूहको खोजी गरी कारबाहीको दायरामा ल्याउन वडा कार्यालय र प्रहरी चौकी घ्याल्चोकलाई आग्रह गरेका छन्।
‘पोखरीका माछा मरेको र विष हालेको हुन सक्ने भएकोले अनुसन्धान गरिदिन श्रेष्ठले हामीलाई जानकारी गराउनुभएको छ,’ प्रहरी चौकी घ्याल्चोकका इन्चार्ज पुरन खाकुले भने, ‘भोलि माछापोखरीस्थल गएर थप बुझ्छौं।’त्यस पछि घटना बारे थप खुल्नेछ।
Copyright © All right reserved to Lumbini Pana Site By: Sobij
