बुधवार, आश्विन १४ गते २०८३
बुधवार, आश्विन १४ गते २०८३
फागुन ७,देवदह।डि-युनिटी क्लब देवदहको आयोजनामा संचालन भैरहेको दोस्रो देवदह खुल्ला नक आउट फुटवल प्रतोयोगिताको दोस्रो सेमी फाइनल खेलमा सुनवल युथ क्लबलाई हराउदै शितलापुर युथ क्लब सालाझंडी फाइनल प्रवेश गरेको छ। सुनवल युथ क्लबलाई ५ का बिरुद्द शुन्य गोल अन्तरले पराजित गर्दै शितलापुर युथ क्लब फाइनलमा पुगेको हो।
.jpeg)
शितलापुर युथ क्लबको तर्फ बाट जर्सी नम्बर १० का एरोन थापाले पहिलो गोल ,जर्सी नम्बर ११ का बिमल जेआरले दोस्रो गोल मध्यान्तर अगाडी र जर्सी नम्बर ७० का फोफना,जर्सी नम्बर ८० का ड्रोना थापा र जर्सी नम्बर ९ का सुरज हमालले मध्यान्तर पछि गोल गरेका हुन्।
खेलमा म्यान अफ दि म्याच शितलापुर युथका टिम क्याप्टेन ड्रोना थापाले पारेका छन। म्यान अफ दि म्याच बने संगै थापाले २५ सय र ट्रफी प्राप्त गरेका छन्।
फाइनल खेल फाल्गुन ९ गते देउराली फर ब्रदर र शितलापुर युथ क्लबका बीच दिउसो २ बजे देखि संचालन हुने खेल संयोजक सन्तोष घलेले जानकारी दिनुभयो।सोहि दिन लुम्बिनी प्रदेशका सामाजिक विकास मन्त्रि सुदर्शन बरालले प्रतियोगिताको समापन गर्ने कार्यक्रम रहेको संयोजक घलेले बताउनुभयो।
प्रतियोगितामा प्रथम हुने टिमले नगद १ लाख ५० हजार, दोश्रोले ७५ हजार सहित मेडल, ट्रफी र प्रमाणपत्र पाउनेछन् । त्यस्तै,उत्कृष्ट खेलाडिले १० हजार ,सर्बाधिक गोलकर्ताले १० हजार ,उत्कृष्ट मिड फिल्डरले १० हजार ,उत्कृष्ट डिफेन्सरले १० हजार उत्कृष्ट गोल किपरले १० हजार तथा पाउने छन्।
Copyright © All right reserved to Lumbini Pana Site By: Sobij
