बिहिवार, आश्विन १५ गते २०८३
बिहिवार, आश्विन १५ गते २०८३
देवदह ९,बैशाख ।रुपन्देहीको देवदहमा बुटिक बनाउने तालिम सम्पन्न भएको छ।२०७७ चैत्र १२ गते देखि सुरु भएको तालिम बैशाख ६ गते एक कार्यक्रमका बिच सम्पन्न भएको हो। देवदह नगरपालिका वडा नम्बर ९ को आर्थिक सहयोग र हरियाली दलित महिला समूह देवदहको आयोजनामा संचालित तालिममा २५ जना महिलाहरुको सहभागिता रहेको थियो। समापन कार्यक्रममा बोल्दै देवदह नगरपालिका ९ का कार्यवाहक अध्यक्ष देवि अधिकारीले तालिममा सिकेका कुरालाई मनन गरि उत्पादन मुलक कार्यमा लाग्न प्रशिक्षार्थीहरुलाई आग्रह गर्नुभयो।विगतमा पनि वडाले विभिन्न सीप मुलक र उत्पादनमुखी तालिमहरुको आयोजना गरेको बताउदै आफ्ना वडाका नागरिक हरुको लागि विभिन्न तालिमहरु दिएर आत्मनिर्भर गराउन लागिपरेको बताउनुभयो । कार्यक्रममा नगर कार्यपालिका सदस्य लक्ष्मी बिश्वकर्मा,वडा नम्बर ९ का वडा सचीव सुन्दरी आले,महेन्द्र क्षेत्री,हेमलाल न्यौपाने लगायतको सहभागिता रहेको थियो। कार्यक्रम हरियाली दलित महिला समूहका अध्यक्ष राधा बुढाथोकीको अध्यक्षता, लक्ष्मी परिवारको स्वागत र महेन्द्र खड्काथोकीको संचालनमा सम्पन्न भएको थियो।
Copyright © All right reserved to Lumbini Pana Site By: Sobij
