बुधवार, आश्विन १४ गते २०८३
बुधवार, आश्विन १४ गते २०८३
बैशाख २१
विश्वभर फैलदैँ गइरहेको नयाँ भेरियन्टको कोभिड १९ महामारी नेपालमा समेत तिब्र गतिमा फैलिन थालेपछि देशका ७७ जिल्लामा ४५ जिल्लामा निषेधाज्ञा जारी भएको छ ।
कोरोना भाइरसको सङ्क्रमण रोक्न र चेन ब्रेक गर्नको लागि ३८ जिल्लाले जिल्लाभर निषेधाज्ञा जारी गरेका छन् भने ७ जिल्लाले पूर्ण नभएर केही स्थानहरुमा मात्र निषेधाज्ञा जारी गरेका छन् ।
.jpeg)
कोरोना भाइरसको सङ्क्रमण नियन्त्रणका लागि आजदेखि नुवाकोट, कपिलवस्तु, धनुषा, दैलेख, डोल्पा, डोटी र नवलपरासी पश्चिममा निषेधाज्ञा सुरु भएको गृह मन्त्रालयले जनाएको छ ।
यी जिल्लाहरुमा अत्यावश्यक बाहेकका सेवा र आवतजावत बन्द गरिएको छ । अहिलेसम्म ४५ वटा जिल्लामा निषेधाज्ञा घोषणा भइसकेको छ ।
निषेधाज्ञा घोषणा भएका जिल्लामध्ये दार्चुला, मोरङ, काभ्रे, मकवानपुर, कालीकोट, स्याङ्जा, रामेछाप र ताप्लेजुङमा सङ्क्रमण बढी भएका जिल्लामा मात्रै निषेधाज्ञा लगाइएको छ भने झापा र सुनसरीमा गाडीमा जोरबिजोर प्रणाली लागू भएको छ । बाजुरा र महोत्तरीमा भोलिदेखि निषेधाज्ञा शुरु हुँदैछ ।
मन्त्रिपरिषद्को गएको वैशाख १३ गतेको निर्णय अनुसार कोरोना रोकथामका लागि पहाडी तथा तराईका जिल्लामा पाँच सय सक्रिय सङ्क्रमित पुगेपछि र हिमाली जिल्लामा दुई सय सक्रिय सङ्क्रमित पुगेपछि निषेधाज्ञा लगाउने व्यवस्था छ ।
यसैबीच काठमाडौं उपत्यकाका जारी निषेधाज्ञालाई थप कडा बनाउन आवागमन नियन्त्रणसम्बन्धी आदेश जारी गरिने भएको छ । सङ्क्रमण तीव्र बन्दै गइरहेको र निषेधाज्ञा उल्लङ्घन भएको भन्दै थप कडाइ गर्न आदेश जारी गर्न लागिएको जिल्ला प्रशासन कार्यालय भक्तपुरले जनाएको छ ।
Lockdown-in-45-district.pdf :To download file click here
Copyright © All right reserved to Lumbini Pana Site By: Sobij
