बुधवार, आश्विन १४ गते २०८३
बुधवार, आश्विन १४ गते २०८३
मोरङ । मोरङको विराटनगरमा भइरहेको निषेधाज्ञाको अवधि एक हप्ता लम्ब्याइएको छ।
कोरोना सङ्क्रमणको बढ्दो जोखिमलाई ध्यानमा राख्दै मोरङ प्रशासनले जेठ १ गतेसम्मका लागि निषेधाज्ञाको समयावधि बढाउने निर्णय गरेको हो ।
बिहीवार जिल्ला प्रशासन कार्यालयमा बसेको जिल्ला कोरोना सङ्क्रमण व्यवस्थापन समितिको बैठकले निषेधाज्ञाको समय बढाउने निर्णय गरेअनुसार प्रशासनले निषेधाज्ञाको समय बढाएको हो ।
.jpeg)
स्थानीय प्रशासन ऐन २०२८ को दफा ६ को उपदफा ३ र सङ्क्रामक रोग ऐन २०२० को दफा २ बमोजिम वैशाख २४ गते राति १२ बजेदेखि लागू हुने गरी जेठ १ गतेसम्मका लागि अल्पकालीन निषेधाज्ञा जारी गर्ने बैठकले निर्णय गरेको मोरङका प्रमुख जिल्ला अधिकारी कोषहरि निरौलाले बताउनु भयो ।
यसअघि वैशाख १७ गते बसेको जिल्ला कोरोना सङ्क्रमण व्यवस्थापन समितिको बैठकले वैशाख १८ गते रातिको १२ बजेदेखि लागू हुनेगरी ७ दिने निषेधाज्ञा जारी गरेको थियो ।
Copyright © All right reserved to Lumbini Pana Site By: Sobij
