बुधवार, आश्विन १४ गते २०८३
बुधवार, आश्विन १४ गते २०८३
जेठ १८ ,काठमाडाैं। विवेकशील साझा पार्टीका संस्थापक अध्यक्ष उज्ज्वल थापाको उपचारका क्रममा निधन भएको छ । काठमाडौंको मेडिसिटी अस्पतालमा उपचारका क्रममा मंगलबार नेता थापाको निधन भएको हो ।
कोरोना संक्रमण पुष्टि भएपछि नेता थापालाई धुम्बाराहीस्थित ह्याम्स अस्पतालमा भर्ना गरिएको थियो । तर, उनको स्वास्थ्यावस्था गम्भीर बनेपछि थप उपचारका लागि टोखास्थित ग्राण्डी अस्पताल रेफर गरिएको थियो ।
.jpeg)
तर, इक्मो विधिबाट नेता थापाको उचार गर्नुपर्ने भएकाले उनलाई मेडिसिटी अस्पतालमा भर्ना गरिएको थियो । नेता थापा सोमबार (हिजो) मात्रै कोरोना संक्रमणमुक्त भएका थिए ।.
नेता थापाले सबै नेपालीको गुणस्तरीय र सुलभ सेवा पाउने नैसर्गिक अधिकारको सुनिस्चितता गर्न माग गर्दै आएका थिए। नेता थापा पछिल्लो युवा पुस्ता माझ लोकप्रिय थिए , पदको र सत्ताको लोभ नगर्ने देश र जनताका लागि निस्वार्थ लागि परिरहेका थापाको निधनले नेपाली राजनीतिमा र थप सिक्न चाहने युवामा अपुरणीय क्षेति पुगेको छ।
गुराँस अनलाइनमा प्रकाशित सामग्रीबारे कुनै सुझाव गुनासो तथा सूचना भए हामीलाई gurasmedia24@gmail.com मा पठाउनु होला।
Copyright © All right reserved to Lumbini Pana Site By: Sobij
