बुधवार, आश्विन १४ गते २०८३
बुधवार, आश्विन १४ गते २०८३
दुर्घटना
मुगु । नेपालगन्जबाट मुगुका लागि छुटेको बस छाँयानाथ रारा गाउँपालिका– ७ दुर्घटनाग्रस्त भएको छ । दुर्घटना आज दिउँसो २ बजेतिर भएको हो । छाँयानाथ रारा गाउँपालिका– ७ स्थित पिनागाउँमा भे १ ख ६७ नम्बरको बस दुर्घटना भएको हो । सो दुर्घटनामा कम्तिमा १६ जनाको मृत्यु भएको छ भने डेढ दर्जन जति यात्रु घाइते भएको प्रहरीले जनाएको छ । बस नेपालगञ्जबाट दशैँमा घर फर्किएका यात्रु बोकेर मुगु सदरमुकाम गमगढीतर्फ जाँदै गरेको थियो । प्रारम्भिक जानकारी अनुसार भिरालो बाटोका कारण बस दुर्घटना भएको देखिएको छ । अहिले घटनास्थलमा घाइतेहरुको उद्धार कार्य भइरहेको र विस्तृत विवरण आउन बाँकी रहेको मुगु प्रहरीले जनाएको छ । यसै बिच सोमबार पोखराको घान्द्रुकमा जिप दुर्घटना हुँदा ८ जनाको मृत्यु भएको थियो।
Copyright © All right reserved to Lumbini Pana Site By: Sobij
