मंगलवार, आश्विन १३ गते २०८३
मंगलवार, आश्विन १३ गते २०८३
खेलकुद
एजेन्सी ।महेन्द्र सिंह धोनीको कप्तानीमा रहेको चेन्नाईले १४ औं संस्करणको इन्डियन प्रिमियर लिग (आईपीएल) को उपाधि हात पारेको छ । फाइनलमा कोलकाता नाइट राईडर्स माथि २७ रनको फराकिलो जित दर्ता गर्दै चेन्नाईले चौथो पटक आईपीएलको उपाधि चुम्न सफल भएको हो । खेलमा टस हारेर पहिले ब्याटिङ गरेको चेन्नाईले पुरै २० ओभर खेल्दै तीन विकेटको नोक्सानीमा १९२ रनको विशाल योगफल तयार पाय जबाफी ब्याटिङ गरेको कोलकाताले पुरै २० ओभर खेल्दै नौ विकेटको नोक्सानीमा १६५ रनमात्र बनाउन सक्यो । कोलकाताको तर्फबाट ओपनरद्वय भेन्कटेश ऐयर र शुबन गिल दुवैले अर्धशतकीय पारी खेले पनि त्यस पछिका ब्याट्सम्यानले उल्लेख्य योगदान दिन नसक्दा कोलकाता उपविजेतामा सीमित हुन पुग्यो । गिलले ४३ बलमा सर्वाधिक ५१ तथा ऐयरले ३२ बलमा ५० रनको पारी खेले । चेन्नाईको तर्फबाट ओपनर फाफ डु प्लेसिसले सर्वाधिक ८६ रन बनाए । ५९ बलको सामना गरेका उनले सात चौका र तीन छक्का प्रहार गरे । डु प्लेसिसले बाहेक मोएन अलीले अविजित २७, रुतुराज गाइकवाडले ३२ तथा रोबिन उथप्पाले १५ बलमा ३१ रनको योगदान दिए । कोलकाताका सुनिल नारायणले सर्वाधिक दुई तथा शिवम मावीले एक विकेट आफ्नो नाममा दर्ता गराए ।
Copyright © All right reserved to Lumbini Pana Site By: Sobij
