मंगलवार, आश्विन १३ गते २०८३
मंगलवार, आश्विन १३ गते २०८३
बुटवल। नेपाल आदिवासी जनजाति पत्रकार महासंघ (फोनिज) रुपन्देही शाखाको अध्यक्षमा सोनु थापा निर्वाचित भएका छन ।अध्यक्षमा पुन:सोनु थापा दोहोरिएका हुन्।
.jpeg)
शनिवार बुटवलमा भएको शाखाको छैठौं अधिवेशनले थापालाई अध्यक्षमा निर्विरोध निर्वाचित गरेको हो । अधिवेशनले अध्यक्ष थापा सहित ९ जना कार्यसमितिलाई निर्वाचित गरेको छ ।
समितिको उपाध्यक्षमा प्रेम थापा सचिबमा राज चौधरी,सहसचिवमा आकृति थापा र कोषाध्यक्षमा मिन बहादुर राना निर्वाचित भएका छन ।
त्यसैगरी सदस्यहरुमा एकु राना ,जितेन्द्र थारु ,संजय लामा गुरुङ,पहल सिंह राना लगायत रहेका छन्। १३ सदस्यीय कार्य समितिमा बाँकी ४ जना पछि मनोनित गरिनेछ।
त्यसैगरी, अधिवेशनले बिधान अनुसार ६ जना सदस्यलाई प्रदेश महाधिवेशन र ५ जना सदस्यलाई संघीय महाधिवेशन प्रतिनिधिमा चयन गरेको छ ।
फोनिजले आज मङ्सिर २५ गते देशैभरका जिल्ला शाखाहरु, पुस २४ गते प्रदेश महाधिवेशन र माघको ७ र ८ गते संघीय महाधिवेशन गर्ने यसअघि नै निर्णय गरेको थियो ।
फोनिजको हालसम्म ५४ जिल्ला शाखा, ७ प्रदेश र ५ बिदेश शाखा समितिहरु रहेका छन ।
Copyright © All right reserved to Lumbini Pana Site By: Sobij
