मंगलवार, आश्विन १३ गते २०८३
मंगलवार, आश्विन १३ गते २०८३
काठमाडौं । कोटेश्वरबाट पठाओ राइडरलाई धापाखेल पुर्याइ अपहरण लुटपाट गर्ने दुई जना पक्राउ परेका छन् । महानगरीय प्रहरी परिसर, ललितपुरका अनुसार पठाओ राइडर २५ वर्षीय प्रविन राईलाई कोटेश्वरबाट धापाखेल पुर्याएर अपहरण लुटपाट गर्ने २१ वर्षीय सुमन तामाङ र मिनराज राईलाई पक्राउ गरिएको हो ।
शनिबार राति सुमन तामाङले कोटेश्वरबाट पठाओ बुक गरेर धापाखेल पुर्याएका थिए, भने उनका साथी मिनराज राईले पठाओ राइडर राईलाई बन्धक बनाउन सहयोग गरेका अनुसन्धानबाट खुलेको छ ।
.jpeg)
धापाखेल पुर्याएपछि उनीहरुले पठाओ राइडर राईको मुखमा टेप र हातखुट्टा डोरीले बाँधेर नगद ८ हजार रुपैयाँ र बागमती प्रदेश ०२–०१–००१ प ११६६ नम्बरको मोटरसाइकल लिएर फरार भएका थिए ।
आइतबार बिहान उनीहरु दुवै जनालाई बलम्बुस्थित चन्द्रागिरी रिकन्डिसन सोरुममा राइडरको मोटरसाइकल विक्री गर्न लागेको अवस्थामा पक्राउ गरिएको प्रहरीले जनाएको छ ।
आज बिहान साढे १ बजे स्थानीयले धापाखेलमा बन्धक बनाइएका राइडर राइलाई हारगुहार गर्दै गरेको अवस्थामा भेटेपछि प्रहरीलाई गरिएको थियो । त्यस्तै प्रहरी टोली घटनास्थल पुगे लगत्तै राइडर राईको उद्दार गरी उपचारका लागि पाटन अस्पताल लगेको थियो ।
घटनाबारे थप अनुसन्धान भइरहेको प्रहरीले जनाएको छ ।
Copyright © All right reserved to Lumbini Pana Site By: Sobij
