बुटवल । बुटवल-नारायणगढसडक खण्ड निर्माण समयमै नहुँदा यात्रु र सवारी चालकले भोगेका समस्या अनगिन्ती छन् । हिलो र धुलोका समस्या हुन् या सडकका खाल्डा तथा अव्यवस्थित डाइभर्सनका समस्या नै किन नहुन् । यावत् समस्याका चाङ देखेर पनि नदेखे झै गर्छन्, निर्माणको जिम्मा लिएका ठेकेदार कम्पनी र सरोकारवाला निकाय ।

त्यसो त मानिस मात्रै हैन, अव्यवस्थित सडका कारण जनावर पनि उत्तिकै पिडित छन् । पछिल्लो समय सडकमा छोडिने पशु चौपाया सडक छेउका ठुला खाल्डा र सडक निर्माणका लागि बिछ्याईएको माटोको दलदलमा फस्ने क्रम बढेको छ । 

शुक्रबार खैरेनी-बुटवल सडकखण्ड अन्तर्गत घोडाहा पुल नजिकै सडक छेउको दलदलमा फसेको गाईको बाच्छिको उद्दार गरिएको छ । देवदहबाट बुटवल जाने क्रममा गाईको बाच्छी हिलोमा फसेको देखेपछि झण्डै एक घण्टाको समय लगाएर उद्दार गरिएको सेतोमसीका सम्पादक विष्णु पोखरेलले बताए ।

सम्पादक पोखरेल र गुँरास मिडियाका पत्रकार निर्मल थापाको पहलमा अन्य दुई मोटरसाइकलमा सवार चालकको समेत सहयोग लिएर उक्त बाच्छिलाई उद्दार गरि दलदल नभएको स्थानमा पुर्याएर छाडिएको थियो । भलुहीका धनु पाण्डे र अनुज सामीको सहयोग लिएर आफुहरूले गाईको बाच्छिलाई उद्दार गरी प्राण बचाएको गुराँस मिडियाका पत्रकार थापाले बताए ।

उक्त उद्दारमा खटिएका देवदहवासी धनु पाण्डेले यस अघिपनि यसरी गाईका बाच्छी हिलोमा फसेको आफुले देखेको र उद्दार गरेको बताए ।

यस प्रकारका घटना सामान्य हुँदै होइनन् । घरमा पालिने पशु चौपायालाई सडकमा छाड्ने नागरिक र बेलैमा निर्माण सम्पन्न नगर्ने र निर्माण कार्य गर्दा आवश्यक मापदण्ड नअपनाउँने ठेकेदार कम्पनी तथा त्यसको अनुगमन नगर्ने सम्बन्धित निकाय सबै जिम्मेवार हुन जरुरी छ ।

स्मरण रहोस्, हालै चितवनमा सडक निर्माणको क्रममा खनिएको नालीको खाल्डोमा परी एउटा गैंडाको मृत्यु भएको थियो ।

लुम्बिनी पाना

लेखकबाट थप

• शनिवार, माघ २९ २०७८१०:३७:२१

• देवदहमा लायन्स क्लब अफ देवदह प्रोफेशनल युथको आयोजनामा ‘पिस पोस्टर कन्टेस्ट’

• एनप्याब्सन रुपन्देहीद्वारा शिक्षकलाई एआई र आईसीटीमा आधारित नवीन शिक्षण पद्धतिबारे तालिम

• दुबईमा अक्टोबर ४ मा नेपथ्यको भव्य लाइभ कन्सर्ट हुने

• मगर महिला संघको स्थापना दिवस : सशक्तिकरण र नेतृत्व विकासमा जोड

• संविधान दिवस तथा राष्ट्रिय दिवसमा दुबईमा झण्डोत्तोलन, शहीदप्रति सम्मान