बुधवार, आश्विन १४ गते २०८३
बुधवार, आश्विन १४ गते २०८३
देवदह । देवदहमा महिला स्वास्थ्य स्वयंसेविकालाई दुईदिने पुनर्ताजगी तालिम आज सम्पन्न भएको छ ।
११२औं अन्तर्राष्ट्रिय श्रमिक महिला दिवसको अवसरमा उपप्रमुखसंग महिला कार्यक्रम अन्तर्गत आयोजना गरिएको उक्त तालिमको समापन कार्यक्रममा बोल्दै नगरप्रमुख खत्रीले स्वास्थ्य क्षेत्रको विकासमा महिला स्वयंसेविकाहरूको योगदान अतुलनिय रहेको बताउनुभएको थियो।
.jpeg)
समापन कार्यक्रममा प्रशिक्षार्थिको तर्फ बाट बोल्दै राधा गिरि,मिना श्रेष्ठ र सरिता भुषालले पुनर्ताजगी तालिमले स्वास्थ्य स्वयंसेविकाको व्यक्तित्व विकासमा महत्वपुर्ण योगदान दिएको भनाई व्यक्त गर्नुभएको थियो।
कार्यक्रममा स्वास्थ्य क्षेत्रमा पुर्याएको योगदानको कदर गर्दै १३ जना महिला स्वयंसेविकालाई सम्मान समेत गरिएको थियो।महिला स्वयंसेविकाहरु नरमाया छन्त्याल,मिना श्रेष्ठ,देवी ढकाल,तुल्सा आचार्य,विन्तेनदेवी कलवार,राधा गिरि,अनिता डुम्रे,निर्मलादेवी थारू,कुमारी विन्दु,भगवती आचार्य,लक्ष्मी सारु,आशा कुवँर र अक्लुङ निसालाई नगद ४ हजार,दोसल्ला र सम्मान पत्रले सम्मानित गरिएको थियो।
देवदह नगरपालिकाका उपप्रमुख विद्यालक्ष्मी गुरुङको अध्यक्षतामा सम्पन्न उक्त कार्यक्रममा नगरपालिकाका स्वास्थ्य शाखा प्रमुख काशिनाथ बन्जाडे, वडा नम्बर २ का वडा अध्यक्ष धर्मागत पाण्डे,प्रमुख प्रशासकिय अधिकृत डिल्लिराज बेल्वासे,प्रशिक्षक देवदह स्वास्थ्य चौकीका इन्चार्ज दिलेश्वर श्रेष्ठ लगायतले मन्तब्य व्यक्त गरेका थिए।
Copyright © All right reserved to Lumbini Pana Site By: Sobij
