बिहिवार, आश्विन १५ गते २०८३
बिहिवार, आश्विन १५ गते २०८३
चैत्र १४ । देशमा भइरहेको भ्रष्टाचारको बिरोधमा कैलालीका एक युवा काँधमा हलो जुवाको प्रतिक बोकेर पश्चिम महाकाली देखि पुर्व मेची पैदल यात्रामा निस्किनु भएको छ । कैलालीको गौरीगंगा नगरपालिका वडा नम्बर ४ खुरखुरीया निवासी देवराज पाध्यायले चैत्र १ गते महाकालीको गड्डाचौकीबाट पैदल यात्रा सुरु गरेको बताउनुभएको छ ।
चैत्र १४ गते सोमबार बिहान रुपन्देहीको देवदह आइपुग्नुभएका पाध्यायले नेताहरुले जनतालाई गोरु बनाएको महसुस गरेकाले काँधमा हलो र जुवा बोकेर पैदल यात्रामा निस्किएको जानकारी दिनुभयो । उहाँले आउने चुनावमा हाम्रोलाई भन्दा राम्रोलाई जिताएर देशको दीर्घकालिन बिकास गर्नुपर्ने आग्रह गर्नुपनि आफ्नो पैदल यात्राको उद्देश्य रहेको बताउनुभयो । पैदल यात्री पाध्यायले संसदबाट पारित भएको अमेरिकी सहयोग परियोजना एमसीसी खारेज गर्नुपर्ने आफ्नो माग रहेको जिकिर गर्नुभयो ।
.jpeg)
जमानादेखि नेपालमा बिदेशी सहयोग आएको भएपनि नेताहरुले भ्रष्टाचार गरेका कारणले देश बिकास हुन नसकेकाले एमसीसीमा समेत भ्रष्टाचार हुने भन्दै सम्झौता खारेज हुनुपर्ने आफ्नो माग रहेको बताउनुभयो । यात्राको क्रममा बिभिन्न ठाउँमा स्थानिय, प्रहरी तथा व्यवसायीहरुले सामान्य सहयोग गरेको बताउँदै दैनिक ३५ किलोमिटर यात्रा गरिरहेको जानकारी गराउनुभयो ।
Copyright © All right reserved to Lumbini Pana Site By: Sobij
