बिहिवार, आश्विन १५ गते २०८३
बिहिवार, आश्विन १५ गते २०८३
यी हुन् नेपाली काङ्ग्रेस बाट देवदहमा मेयर पदका आकांक्षीहरु
.jpeg)
हिरा बहादुर खत्री
नेपाली काङ्ग्रेस बाट मेयर पदका लागि हालका नगर प्रमुख हिरा बहादुर खत्रीले दोहोरिने इच्छा देखाएका छन् ।२०७४ को स्थानीय तहको निर्वाचनमा माओवादी सहितको गठबन्धनको भोट पाएर मेयरमा बाजि मारेका खत्री यस पटक पनि पुनः दोहोरिन चाहान्छन।विभिन्न संचार माध्यममा हिरा केसिले पनि नगर प्रमुखमा दोहोरिने इच्छा देखाएको सार्वजनिक भएको छ।
गुनाखर भुर्तेल
नेपाली काङ्ग्रेस बाट देवदह नगर प्रमुख पदका लागि प्रमुख दाबेदारको रुपमा गुनाखर भुर्तेललाई पनि हेरिएको छ।नगर सभापति समेत रहेका भुर्तेल देवदहलाई समृद्द बनाउनका लागि स्वभाविक रुपमा मेयर पदका लागि
आफ्नो दाबादारी रहने बताउछन् ।
वासुदेव रिमाल
नेपाली काङ्ग्रेस बाट मेयर पदका मुख्य दाबेदारको रुपमा चर्चामा आएको नाम हो बासुदेब रिमाल ।अघिल्लो निर्वाचनमा पनि मुख्य दावेदार रहेका रिमालले उक्त निर्वाचनमा टिकट पाएका थिएनन् । रिमाललाई यसपटक मुख्य दाबेदारको रुपमा हेरिएको छ।
नेपाली काङ्ग्रेस रुपन्देहीको जिल्ला सहसचिव समेत रहेका रिमालले पछिल्लो समय राजनीतिक भेटघाटलाई तिब्र बनाएका छन् ।आफू नगर प्रमुख पदको प्रमुख दावेदार रहेको रिमालले बताए
अघिल्लो निर्वाचनमा पनि नगर प्रमुखको दावेदार रहेका रामकृष्ण पौडेल यस पटक पनि मेयरको टिकट लिने लाइनमा रहेका छन् ।
२०७४ को निर्वाचनमा हिरा केसि,वासुदेव रिमाल,गुनाखर भूर्तेल र राम कृष्ण पौडेलको नाम चर्चामा रहेको थियो र हिरा केसीले मेयरको टिकट पाएर विजयी बनेका थिए।
त्यसै गरि काङ्ग्रेस बाट हरि प्रसाद न्यौपानेले पनि नगर प्रमुख पदका लागि दावी गरेका छन् ।यस पटक टिकट आफुले पाउने र विजयी पनि हुने न्यौपानेको दावी छ।
त्यसै गरि काङ्ग्रेसका क्षेत्र नम्बर १ का सचीव विजय गुरुङले पनि पार्टीले विश्वास गरेर टिकट दिएको खण्डमा मेयर लड्नका लागि सक्षम रहेको बताइसकेका छन् ।
अहिले सम्म कसले टिकट पाँउछन यकिन भएको छैन ,यद्यपि एक हप्ता भित्र काङ्ग्रेस बाट कसले टिकट पाउछन छिनोफानो हुनेछ।
Copyright © All right reserved to Lumbini Pana Site By: Sobij
