बिहिवार, आश्विन १५ गते २०८३
बिहिवार, आश्विन १५ गते २०८३
नुवाकोट।नुवाकोट जिल्लास्थित ककनी नगरपालिका वडा नं ७ को बिजुलीको पोलमा एक व्यक्ति तारमा झुन्डिरहेका छन्। उनलाई यतिबेला प्रहरीले तल झर्न भनिरहेका छन्।फकाउँदासमेत उनी तल झर्न मानेका छैनन्। तारमा ती व्यक्ति झुन्डिएपछि यतिबेला ६० मेगावाटको त्रिशुली थ्री ए आयोजना नै बन्द गर्नु परेको छ। करेन्ट लाग्नसक्ने आसंकामा विद्युत बन्द गरिएको हो।
आयोजना ठप्प हुँदा काठमाडौंको विद्युत व्यवस्थापनमा समेत समस्या परेको नेपाल विद्युत प्राधिकरणले जनाएको छ।
.jpeg)
ककनी गाउँपालिका ७ मा रहेको पोलमा चढेर विद्युतीय तारमा पनि हिँडिरहेका बेलकोटगढी नगरपालिका १३ घलेगाउँ बस्ने ४४ वर्षीय माइला विक भएको जिल्ला प्रहरी कार्यालयले जनाएको छ।
प्रहरीले उनलाई झर्नको लागि फकाइरहेका छन्। प्रहरीका अनुसार विकको मानसिक सन्तुलन गुमेको छ। स्थानीयले उनलाई देखेपछि प्रहरीलाई खबर गरेका थिए। उनलाई अहिले पोलबाट झार्ने प्रयास भइरहेको छ।
Copyright © All right reserved to Lumbini Pana Site By: Sobij
