सोमवार, आश्विन १२ गते २०८३
सोमवार, आश्विन १२ गते २०८३
देवदह। रुपन्देहीको देवदह १० चरंगे स्थित रम्भादेवी टोलमा सार्वजनकि जग्गा व्यक्तिले कब्जा गरे पछि स्थानीयले बिरोध गरेका छन। करिब १० कठ्ठा भन्दा धेरै सार्वजनिक जग्गा अतिक्रमण भएको भन्दै रम्भादेवी टोलका स्थानीयले देवदह १० को वडा कार्यालय, देवदह नगरपालिका र सब डिभिजन बन कार्यालयमा अतिक्रमित सार्वजनिक जग्गालाई बृक्षारोपण गरि संरक्षण गरिपाउँ भनि ज्ञापन पत्र बुझाएका थिए।
.jpeg)
सोहि टोलमा बस्ने बर्ष ७० का गोबिन्द उपाध्याय सहितले खोलाको जग्गा अतिक्रमण गरि तारबार गरेको भन्दै स्थानीयले सार्वजनिक जग्गा संरक्षणका लागि वडामा दिएको निवेदन प्राप्त भएको र स्थानीय वासी,राजनीतिक दल र सबै सरोकारवाला निकाय बसी छलफल गरेर सत्य तथ्य बुझी निकास निकालिने वडा नम्बर १० का वडा अध्यक्ष यक बहादुर सुनारले बताए।
स्थानीयले सार्वजनिक जग्गा अतिक्रमण भएको भनि पेश गरेको निवेदन नगरमा प्राप्त भएको र सत्य तथ्य बुझी सो बिषयको जानकारी गराउन वडालाई पत्र पठाइएको देवदह नगरपालिकाका प्रमुख प्रशासकीय अधिकृत डिल्लीराज बेलबासेले जानकारी दिए।
Copyright © All right reserved to Lumbini Pana Site By: Sobij
