शनिवार, श्रावण १४ २०७९

लायन्स क्लब अफ देवदहको आयोजनामा वृक्षारोपण कार्यक्रम सम्पन्न

लुम्बिनी पाना

206

लायन्स क्लब अफ देवदहको आयोजनामा वृक्षारोपण कार्यक्रम सम्पन्न

देवदह। लायन्स क्लब अफ देवदहद्वारा वृक्षारोपण कार्यक्रम सम्पन्न भएको छ । देवदह ५ बैकुण्ठनगरमा निर्माण गरिरहेको आँखा अस्पतालको प्राङ्गणमा लियो क्लब अफ देवदहको सहयोगमा उक्त कार्यक्रम सम्पन्न भएको हो ।कार्यक्रममा बोल्दै कार्यक्रमका प्रमुख अतिथी क्लबका संस्थापक अध्यक्ष लायन विष्णु पौडेलले वातावरणलाई स्वच्छ, सफा र हराभरा तुल्याउन रोपेको रुख बिरुवालाई हुर्काउने दायित्व उत्तिकै रहने र रेखदेख गर्न क्लबका पदाधिकारीहरुलाई आग्रह गर्नुभयो । उहाँले आँखा अस्पताल सञ्चालनको लागि चाहिने सम्पूर्ण उपकरण हरु पूरा भए पछि मात्र अस्पताल सञ्चालनमा आउने बताउनुभयो । तत्काललाई भने लायन्स आँखा अस्पताल बुटवलको सहयोगमा आँखा शिविर भने चलिरहेको बताउनुभयो।

वृक्षरोपण कार्यक्रममा आँप, लिची , निम लगायतको बिरुवा रोपिएको छ ।क्लबले यस अघि पनि सोही स्थानमा वृक्षरोपण गरेकाे थियाे जस मध्ये ९० प्रतिशत बिरुवाहरु हुर्किएका छन् । उक्त कार्यक्रममा क्लबका पुर्व अध्यक्षहरु, संस्थाका सदस्य र समाजसेवीहरु उपस्थिति रहेको थियो ।

कार्यक्रम क्लबका अध्यक्ष विष्णु ज्ञवालीको अध्यक्षता र क्लबका सचिब गणेश क्षेत्रीको सञ्चालनमा भएको थियो ।