बिहिवार, आश्विन १५ गते २०८३
बिहिवार, आश्विन १५ गते २०८३
लुम्बिनी पाना। सत्तारुढ गठबन्धनले टिकट बाँडफाटको अन्तिम खाका सार्वजनिक गरेको छ। सार्वजनिक गरेको खाका अनुसार टिकट बाँडफाट भयो भने रुपन्देहीको क्षेत्र नम्बर १ नेपाली कांग्रेसले गुमाउने छ। नेपाली काँग्रेस,माओवादी केन्द्र र जसपाले समेत दावी गरेको १ नम्बर क्षेत्र पछिल्लो समय जसपा गठबन्धन बाट बाहिरीए पछि माओवादी केन्द्र र कांग्रेसले दावी गरेको थियो।
क्षेत्र नम्बर १ मा माओवादी केन्द्रको भागमा टिकट आए पनि उम्मेदवारको भने टुंगो लाग्न सकेको छैन।माओवादी निकट स्रोतका अनुसार ओनसरी घर्ती मगर चुनावी प्रतिस्पर्धा गर्न आउने सम्भावना रहेको बताइएको छ। पूर्व सभामुख समेत रहेकी माओवादी केन्द्रकी नेत्री घर्ति पहिलो संविधानसभामा समानुपातिकबाट सभासद बनेकी थियिन भने दोस्रो संविधानसभा निर्वाचनमा रोल्पा २ बाट विजयी भएर उपसभामुख भएकी थियिन।
.jpeg)
कांग्रेस बाट अब्दुल रज्जाक उम्मेदवार बन्ने चर्चा भए पनि टिकट बाँडफाट गर्दा माओवादी केन्द्रको भागमा क्षेत्र नम्बर १ परे पछि कांग्रेस भित्र पनि असन्तुष्टि देखिएको छ। बाँडफाटको अन्तिम खाका अनुसारनै सहमति भए क्षेत्र माओवादी केन्द्र र प्रदेशको २ सिट नेपाली कांग्रेसको भागमा पर्नेछ।
Copyright © All right reserved to Lumbini Pana Site By: Sobij
