काठमाडौं ।आइतबार राति ३६ वर्षको लामो प्रतिक्षापछि अर्जेन्टिनाले फुटबल मैदानमा फेरी आफ्नो साम्राज्य स्थापित गर्‍यो । यसअघि उसले सन् १९७८ र १९८६ मा विश्वकप जितेको थियो । अर्जेन्टिनाको जितपछि क्यामेराले केही मिनेटसम्म लियोनल मेस्सीलाई पछ्याइरह्यो । उनको अनुहारको भाव देखेर कोहीको आँखामा आँसु आयो भने कोही उत्सवमा नाच्न थाले ।

जितका हिरो बनेका मेस्सीले एकपछि अर्को गर्दै खेलाडीलाई अँगालो हालेको देखियो । जितपछि मेस्सीले स्टेजमा अवार्ड लिन दुई पटक स्टेजमा पाइला टेकेका थिए, जसमध्ये एउटालाई लिएर सामाजिक सञ्जालमा मानिसहरूले प्रश्न र जवाफ दिइरहेका छन् । मेस्सी पहिलो पटक स्टेज चढ्दा उनलाई गोल्डेन बल अवार्ड दिइएको थियो । यो अवार्ड प्रतियोगितामा उत्कृष्ट प्रदर्शन गर्ने खेलाडीलाई दिइन्छ ।

त्यसपछि अर्जेन्टिनाका खेलाडीहरू फिफा विश्वकप ट्रफी लिन एक/एक गरेर स्टेजमा पुगे, यसैबीच सबैका आँखा मेस्सीलाई खोजिरहेका थिए । मेस्सी सबैभन्दा अन्तिममा स्टेजतर्फ अघि बढे । उनलाई स्टेजमा पदक दिएपछि कतारका अमिर शेख तमिम बिन हमाद अल थानीले उनलाई कालो र सुनौलो रङको जालीदार पोशाक लगाइदिए । यो पोशाकलाई लिएर सामाजिक सञ्जालमा केहीले प्रश्न उठाइरहेका छन् भने केहीले यसको पक्षमा लेखिरहेका छन् । योसँगै कतिपयले यो पहिरन के हो र यसलाई के भनिन्छ भनेर जान्न खोजिरहेका छन् ।

बिष्ट के हो ?

कतार विश्व कप आयोजक समितिका महासचिव हसन अल थावादीले बीबीसी स्पोर्टसँगको कुराकानीमा यसबारे जानकारी दिएका छन् । उनले भने, ‘यो आधिकारिक पोशाक हो र यो विशेषगरी समारोहको लागि लगाइन्छ । यो मेस्सीको जीतको सम्मानमा उनलाई लगाइएको थियो । ’

उनले भने, ‘विश्वकप हाम्रा लागि अरब र मुस्लिम संस्कृतिको दुनियाँलाई देखाउने अवसर थियो । यो कतारको लागि होइन, यसले एक क्षेत्रको उत्सवको आनन्द देखाएको छ ।’ मेस्सीले लगाउने पहिरनलाई बिष्ट पनि भनिन्छ । यो अरब देशहरूमा एक प्रकारको सांस्कृतिक पोशाक हो । यो विशेष अवसरहरूमा मात्र लगाइन्छ ।

यसै कारण आइतबार राति जितलाई विशेष बनाउनका लागि मेस्सीलाई जालीदार, सुनौलो रङले सजाइएको पोसाक लगाइएको थियो ।
तर, यो पोशाक मेस्सीलाई लगाइदिँदा उनी आफैँलाई पनि कसरी लगाउने भन्ने बुझेका थिएनन् । शेख तमिम बिन हमादले मेस्सीलाई यो पोशाक लगाउन मद्दत गरे । त्यसपछि मेस्सी ट्रफी लिएर खुसी हुँदै आफ्नो टोलीतर्फ लागे र रंगशालामा आतिशबाजी सुरु भयो ।

लुम्बिनी पाना

लेखकबाट थप

• सोमवार, पौष ४ २०७९०६:५७:३३

• रोट्रयाक्ट क्लब अफ तिलोत्तमा देवदहको शुभकामना आदानप्रदान, उपसमितिका सदस्यलाई प्रशिक्षण

• देवदह-५ का २१ वटा टोल विकास संस्थाको संयुक्त बैठक, सामाजिक विकृति नियन्त्रणमा जोड

• देवदहमा विश्व पोलियो दिवसको सन्दर्भमा जनचेतनामूलक साइकल र्‍याली आयोजना हुँदै

• रोटरी क्लब अफ देवद्वाराद्वारा १० लाख रुपैयाँ बराबरको विपद् पूर्वतयारी तथा राहत सामग्री हस्तान्तरण

• लायन्स अभियानलाई थप प्रभावकारी बनाउन अभिमुखीकरण कार्यक्रम