बुधवार, माघ १८ २०७९

सुनवल मेला:काठमा सजिएको कला

निर्मल (एसपी) थापा

341

निर्मल (एसपी) थापा । भनिन्छ कला जिवन्त रहन्छ अर्थात कहिल्यै मर्दैन,कलाकारले आफू भित्र अन्तरनिहित प्रतिभा विभिन्न ढंगले बाहिर ल्याइरहेका हुन्छन् ।

सुनवल मेलामा राखिएको विभिन्न स्टल सकिन साथ एउटा सुकेको रुख जो कोहि दर्शकको आखा अगाडि ठोकिन्छ। त्यो रुखमा बनाइएको आर्टले दर्शकको मन नतान्ने कुरै भएन । रुखमा डायनासोर, घोडा, गणेश भगवान लगायतको आकृती बनाइएको छ।
सेल्फी जोनका रुपमा बनाइएको उक्त स्थल र काठमा बनाइएको कला हेर्न सर्वसाधारणको भिड लाग्ने गरेको हो।

उक्त आर्ट सुनवल -९ स्वाथीका प्रदीप थारुले बनाएका हुन् । १५,१६ वर्षको हुँदा देखीनै उनले कपिमा, भित्ताहरुमा चित्र कोर्दै आर्ट कला सिकेका हुन् ।

पछि काठमाडौ आर्ट ग्यालरीमा आर्ट सिकेका ३६ वर्षीय प्रदिप निरन्तर यहि पेशामा सक्रिय छन् । घरमै राधाकृष्णको आर्ट बनाइरहेका प्रदिपलाई सुनवल मेलामा तपाईंले बनाएका आर्ट दर्शकको रोजाई र चर्चा पाइरहेको जानकारी गराउदा खुशी लागेको भनाई व्यक्त गरे ।

पश्चिम् नवलपरासीको सुनवल नगरपालिकामा सुनवल उद्योग वाणिज्य संघको आयोजनामा यहि माघ १० गते देखि औद्योगिक व्यापार मेला संचालन भैरहेको छ। मेलामा मौलिक रुपमा जातिय पहिचान झल्काउने मगर, तमु घर, कृषि र बिज्ञान प्रदर्शनी, सुनवलमा रहेका ऎतिहासिक तथा प्रयटकिय क्षेत्रको फोटो प्रदर्शनी र सेल्फी जोन दर्शकको रोजाई बनेका छन् ।