मंगलवार, आश्विन १३ गते २०८३
मंगलवार, आश्विन १३ गते २०८३
वृक्षारोपण
देवदह। रुपन्देहीको देवदह -५ मा रहेको लोकेश्वर शिव पन्चायन मन्दिरमा बृहत वृक्षारोपण गरिएको छ । लायन्स क्लब अफ देवदह र लियो क्लब अफ प्रोफेशनल युथको संयुक्त्त आयोजनामा लोकेश्वर मन्दिर परिसरमा वृक्षारोपण गरिएको हो । मन्दिर प्रांगणमा आँप, लिची, कागती लगायत ३ सय ५० भन्दा बढी फलफुलको विरुवा रोपिएको थियो ।
.jpeg)
लायन्स क्लब इन्टरनेश्नल नेपाल जिल्ला ३२५ पी का दोश्रो जिल्ला गभर्नर बालाराम भट्टराईले वातावरण स्वच्छ भयो भने नागरिक अनि समाज स्वच्छ हुने र वातावरण स्वच्छ राख्न सरसफाइ सङ्गै वृक्षारोपण गर्नुपर्ने भनाई व्यक्त गर्नुभयो । वृक्षारोपण गरिएका विरुवा जोगाउन चुनौतिपूर्ण रहेको भन्दै कार्यक्रमका प्रमुख अतिथि समेत रहेका भट्टराईले रोपिएको विरुवा संरक्षण गरेर हुर्काउनु मुख्य दायित्व रहेको बताउनुभयो ।
त्यस्तै लायन्स क्लब अफ देवदहका संस्थापक अध्यक्ष बिष्णु प्रसाद पौडेलले क्लबहरुले एक आपसमा सहकार्य गरेर सामाजिक क्रियाकलाप गर्दा एक आपसमा सामिप्यता बढ्ने बताउनुभयो । वृक्षारोपण संगै संरक्षणमा ध्यान दिनुपर्ने पौडेलको भनाई थियो ।
वृक्षारोपण कार्यक्रममा क्लबका पदाधिकारी तथा सदस्यहरुको सहभागिता रहेको थियो। लायन्स क्लब अफ देवदहका अध्यक्ष मन बहादुर केसिको अध्यक्षता, लियो क्लब अफ प्रोफेशनल युथका अध्यक्ष कमल पौडेलको स्वागत र लियो क्लब अफ प्रोफेशनल युथका सचिव दिपेश पाण्डेको संचालनमा वृक्षारोपण कार्यक्रम सम्पन्न गरिएको थियो ।
Copyright © All right reserved to Lumbini Pana Site By: Sobij
