बुधवार, आश्विन १४ गते २०८३
बुधवार, आश्विन १४ गते २०८३
देवदह । रुपन्देहीको देवदहमा मुटु रोगका बिरामीलाई आर्थिक सहयोग हस्तान्तरण गरिएको छ ।देवदह नगरपालिका वडा नम्बर ६ मिलनचोकका १९ वर्षीय मुटु रोगका बिरामी सन्दीप हितन मगरलाई आर्थिक सहयोग गरिएको हो ।
हितन मगर ५ वर्षदेखि मुटुको भल्भको रोगबाट ग्रसित छन् । सहिद गङ्गालाल राष्ट्रिय ह्रदयरोग केन्द्र काठमाडौमा उपचार गरि हाल बुटवल स्थित गौतम बुद्ध मुटु अस्पतालमा उपचार गरिरहेको हितनका हजुरबुबा थान बहादुर हुङचुङ मगरले बताए ।
.jpeg)
लामो समयदेखि सामाजिक क्रियाकलापमा सक्रिय रहेको मगर संसार फोटो ग्यालरीका संस्थापक अध्यक्ष अनिल लामिछानेको विशेष पहलमा संकलित ९५ हजार ३६० रुपैयाँ आइतबार निवासमै पुगेर हस्तान्तरण गरिएको हो । मगर संसारले हाल सम्म १९४ जना आर्थिक अवस्था कमजोर भएका विभिन्न प्रकृतिका बिरामीलाई डेढ करोड बढी सहयोग हस्तान्तरण गरिएको संस्थापक अध्यक्ष लामिछानेले जानकारी दिए ।
सहयोग रकम हस्तान्तरण कार्य्रकममा नेपाल मगर संघ देवदह नगर समितिका सचीव मिलन मास्की राना, मगर संसारका एडमिनहरु खुमन पुन मगर, जस्मिन मगर, अमीर मगर, सागर झेडी मगर ,कृष्ण मगर, स्थानीय दुर्गा भुर्तेल ,दुर्गा थापा मगर लगायतको सहभागिता रहेको थियो।
Copyright © All right reserved to Lumbini Pana Site By: Sobij
