साउन ३१, सुनवल । सुनवल नगरपालिकाका खोलाहरुवाट दैनिक रुपमा नदिजन्य पदार्थ चोरि निकासी भएपछि नगर प्रमुख विमला अर्याल चोरि निकासी नियन्त्रणका लागि नगर प्रहरी सहित गत वर्ष जस्तै यस वर्षपनि आँफै खोलामा खट्न थाल्नु भएको छ।
असार साउन र भदौ ३ महिना नेपालका कुनैपनि नदि खोलाहरुवाट नदिजन्य पदार्थ उत्खनन् गर्न नमिल्ने कानुनी व्यवस्था छ। तर बर्खाको समयमा समेत नदिजन्य पदार्थको चोरी निकासी भएपछि अबैध निकासी नियन्त्रण गर्न नगर प्रमुखले सक्रियता देखाउनु भएको हो।
नगर प्रमुख विमला अर्याल सहितको टोलिले बुधबार दिउसो सुनवलको तुरिया खोलावाट लु. १ क. ४५३७ को हाईवा र लु २ ख ३००८ को टिप्पर पक्राउ गरि सामग्री सहित नगरपालिका कार्यालयमा राखिएको छ । पक्राउ गरिएका सवारी साधन १ महिनासम्म यथास्थितिमा राखि १ महिना पछि थप कारवाहिमा लगिने छ ।
Copyright © All right reserved to Lumbini Pana Site By: Sobij