मंगलवार, आश्विन १३ गते २०८३
मंगलवार, आश्विन १३ गते २०८३
देवदह । रुपन्देहीको देवदह ९ भलुहीमा अवस्थित न्यू नमुना आवासीय माध्यमिक विद्यालयमा क्रियाशील न्यू नमुना बाल क्लबले डस्टबिन वितरण गरेको छ । 'बालबालिकामा लगानी, सुनिश्चित भविष्यको थालनी' भन्ने मूल नारा सहित मनाइएको ६० औं बाल दिवसको अवसरमा डस्टबिन वितरण गरिएको विद्यालयका अतिरिक्त क्रियाकलाप प्रमुख सागर पौडेल जानकारी दिए ।
.jpeg)
विद्यार्थीहरुले देवदह भलुहीको मुनामदन चोक, आसाम टोल, आदर्श पथ, जागृति टोल, पिसल्यान्ड चोक, गणेशटोल, भट्टराईचोक लगायतका चोकहरूमा डस्टबिन राख्दै सचेतनामुलक विचार राखेका थिए । सो अवसरमा कथावाचन, कवितावाचन, नाटक मञ्चन, नृत्य प्रदर्शन लगायतका कार्यक्रम गरिएको छ ।
कार्यक्रममा बोल्दै देवदह नगरपालिका वडा नं ९ वडाअध्यक्ष मोहनबहादुर जिसीले विद्यार्थीले गरेका सृजनशील कार्यक्रमको प्रशंसा गरेका छन् ।साथै आगामी दिनहरूमा समेत उत्कृष्ट कार्यक्रमहरु ल्याउन अध्यक्ष जिसिले सुझाव दिएका छन् ।
बाल क्लबका अध्यक्ष विश्वास अधिकारीको अध्यक्षतामा सम्पन्न भएको थियो। कार्यक्रममा विद्यालयका संचालक समितिका अध्यक्ष केशव भट्टराई, सहप्राचार्य लक्ष्मीपुन अधिकारी लगायतको उपस्थिति रहेको थियो ।
Copyright © All right reserved to Lumbini Pana Site By: Sobij
