मंगलवार, आश्विन १३ गते २०८३
मंगलवार, आश्विन १३ गते २०८३
लुम्बिनी पाना, देवदह ।रूपन्देहीको देवदहमा सहकारीका संचालक तथा कर्मचारी प्रशिक्षण कार्यक्रम भएकाे छ । शनिबार आत्मरक्षा बचत तथा ऋण सहकारी संस्थाले आफ्ना संचालक, उपसमिती तथा कर्मचारीलाई सहकारी ऐन नियमका बारेमा प्रशिक्षण दिएकाे हाे ।
सहकारीका अध्यक्ष राजेन्द्र पराजुलीकाे अध्यक्षतामा भएकाे कार्यक्रममा अध्यक्ष पराजुलीले सहकारीलाई विधि सम्मत संचालन गर्नकाेलागि प्रशिक्षण कार्यक्रम राखिएकाे भन्दै आगामी दिनमा शेयर सदस्यलाई समेत प्रशिक्षण दिईने बताउनु भयाे ।
.jpeg)
उपाध्यक्ष खेमलाल चापागाईंकाे स्वागत तथा सचिव लता चापागाईंकाे संचालनमा भएकाे प्रशिक्षण कार्यक्रममा जिल्ला सहकारी संघ लिमिटेड रूपन्देहीका महासचिव दामाेदर पंगेनीकाे सहजीकरणमा भएकाे कार्यक्रममा पंगेनीले सहकारीलाई सक्षम र सबल बनाउन सहकारी ऐन नियम अनुसार चलाउन पर्ने बताउनु भयाे ।
देवदहकाे भलुहीमा प्रधानकार्यालय रही २०७० सालमा डिभिजन सहकारी कार्यालय रूपन्देहीमा दर्ता रहेका सहकारीकाे देवदह १ ढेकावर, देवदह ९ घाेडाहा र देवदह १० चरङ्गेमा गरी २२०० बढी शेयर सदस्य रहेकाे संस्थाका काेषाध्यक्ष ओम बहादुर अधिकारीले जानकारी दिनुभयाे ।
Copyright © All right reserved to Lumbini Pana Site By: Sobij
