बुधवार, आश्विन १४ गते २०८३
बुधवार, आश्विन १४ गते २०८३
लुम्बिनी पाना, देवदह । रुपन्देहीको देवदहमा करेन्ट लागेर एक युवकले ज्यान गुमाएका छन्। देवदह–६ खैरेनीस्थित कृष्ण क्षेत्रीको घरमा बिहेको तयारीका क्रममा झालर टाँग्न गएका बुलिङ्टार–१, नवलपुरका २९ वर्षीय देवबहादुर आले अचानक करेन्ट लागेर कारण गम्भीर घाइते भएका थिए।
खैरेनी प्रहरी चौकी देवदहका वरिष्ठ सई कवि सेन्चुरीका अनुसार विहिबार बिहान करिब ११:४५ बजे घरमाथिको ११ केभी लाइनको झट्का लागेको थियो। करेन्ट लागेपछि अचेत अवस्थामा रहेका उनलाई तत्कालै देवदह मेडिकल कलेज भलुही पुर्याइएको थियो।
.jpeg)
मेडिकल कलेजका डाक्टर पुष्पराज श्रेष्ठ नेतृत्वको चिकित्सक टोलीले करिब एक घण्टा कृतिम श्वासप्रश्वाससहित आवश्यक उपचारद्वारा बचाउने प्रयास गरे पनि सफल हुन सकेन। उपचारका क्रममा दिउँसो २ बजे उनलाई मृत घोषणा गरिएको अस्पताल स्रोतले जानकारी दिएको छ।
Copyright © All right reserved to Lumbini Pana Site By: Sobij
