बुधवार, आश्विन १४ गते २०८३
बुधवार, आश्विन १४ गते २०८३
धनगढी–डडेल्धुरा (भीमदत्त) राजमार्गअन्तर्गत कैलाली अत्तरियास्थित वनदेवी सडकखण्डमा शुक्रबार साँझ दुई मोटरसाइकल ठोक्किँदा तीन जनाको मृत्यु भएको छ।
इलाका प्रहरी कार्यालय मालाखेती (अत्तरिया)का अनुसार घाइते भएका तीन जनालाई उपचारका लागि धनगढीतर्फ लैजाँदै गर्दा उनीहरूको मृत्यु भएको हो।
.jpeg)
प्रहरी नायब उपरीक्षक रणबहादुर चन्दले जानकारी दिनुभयो कि सुप प्र०१/०१०३१८७ नम्बरको मोटरसाइकल चालक धनगढी उपमहानगरपालिका–२ का २२ वर्षीय हरिश ओली मृत्यु भएका छन्। सोही मोटरसाइकलको पछाडि बस्ने गोदावरी नगरपालिका–६ का २३ वर्षीय जीवन पाठक गम्भीर घाइते छन् र उनको उपचार जारी छ।
साथै, सुप प्र०१/००९प७७८१ नम्बरको मोटरसाइकल चालक गोदावरी नगरपालिका–१ का २६ वर्षीय योगेन्द्र शाह र पछाडि बस्ने २३ वर्षीय हरिश पार्कीको पनि मृत्यु भएको छ।
प्रहरीका अनुसार घटनास्थलमा मोटरसाइकलहरू प्रतिघन्टा १०० किलोमिटरभन्दा बढी गतिमा चलाइएको हुन सक्ने अनुमान गरिएको छ। दुर्घटना स्थलमा पाङ्ग्रासहितका पाटपुर्जा उछिट्टिएका थिए। प्रहरीका अनुसार योगेन्द्र शाह यसअघि पनि दुई पटक मोटरसाइकल दुर्घटनामा घाइते भइसकेका थिए।
मृतक हरिश ओली गोदावरीमा विवाहमा सहभागी भएर धनगढीतर्फ फर्किने क्रममा दुर्घटना भएको प्रहरीले जनाएको छ।
Copyright © All right reserved to Lumbini Pana Site By: Sobij
