मंगलवार, आश्विन १३ गते २०८३
मंगलवार, आश्विन १३ गते २०८३
लुम्बिनी पाना, देवदह । देवदह नगरपालिकामा यही चैत २७ गतेदेखि राष्ट्रिय परिचयपत्र वितरण सुरु हुने भएको छ। देवदह नगरपालिका नगर कार्यपालिकाको कार्यालय, केरवानीले जारी गरेको पत्रअनुसार नगरपालिकाअन्तर्गत साविकमा विवरण संकलन गरिएका सेवाग्राहीहरूको राष्ट्रिय परिचयपत्र तयार भइसकेको जनाइएको छ।
२०७९ मा देवदहका वडाहरुमा फारम भर्ने र फोटो खिच्ने काम भई परिचय पत्रका निम्ति लगत संकलन गरिएको थियो ।
.jpeg)
परिचयपत्र वितरणका लागि सम्बन्धित कर्मचारीहरू वडा कार्यालयमा खटिने व्यवस्था मिलाइएको नगरपालिकाले जनाएको छ। सेवाग्राहीहरूलाई सूचना तथा जानकारी गराउन र वितरण कार्यलाई सहज बनाउन वडा नं. ८, ९ र १० का वडा कार्यालयहरूलाई आवश्यक सहयोग तथा सहजीकरण गर्न अनुरोध गरिएको छ।
नगरपालिकाका प्रमुख प्रशासकीय अधिकृत मधुकृष्ण पौड्यालद्वारा हस्ताक्षरित पत्रमार्फत उक्त जानकारी सार्वजनिक गरिएको हो।
Copyright © All right reserved to Lumbini Pana Site By: Sobij
