कैलालीमा वडा कार्यालयको शिलालेखमा नाम नराखेको भन्दै मेयर र उपमेयरबीच विवाद भएको छ। 

घोडाघोडी नगरपालिकाकी उपमेयर प्रेमकुमारी थापाले वडा कार्यालयको भवनमा बनाइएको शिलालेखमा आफ्नो नाम नराखेको भन्दै विरोध जनाएकी हुन्।शनिबार बिहान घटस्थापनाको अवसर पारी वडा नम्बर ५, ७ र १२ का कार्यालय भवन उद्घाटन गर्ने कार्यक्रम थियो। 

मेयर ममताप्रसाद चौधरीले वडा नम्बर ७ को भवन उद्घाटन गरेलगत्तै उपमेयर थापाले शिलालेखमा आफ्नो नाम छुटाएको भन्दै आपत्ति जनाएकी थिइन्। उनले शिलालेखमा ढुंगा र मुड्कीले प्रहार गरेकी थिइन्।

उपमेयर थापाले शिलालेखमा कसको नाम राख्ने भन्ने विषयमा यसअघि आफूलाई जानकारी नदिएकोले विरोध गरेको बताइन्। उनले आफू अनुगमनमा गएका बेला शिलालेख हेर्न नदिएको समेत आरोप लगाइन्।

‘मेयरको नाम छ, वडा अध्यक्ष र सदस्यको नाम छ अनि मेरो मात्र किन छुटाएको भनेर विरोध गरेकी हुँ,’ उनले भनिन्।
थापाले शिलालेख सच्याउन भन्दै नगरपालिकाका प्रशासकीय अधिकृत र मेयरलाई फोन गर्दा जानीजानी छुटाएको भनेर उल्टै हप्काएको आरोप लगाइन्।

‘मैले आफ्नो अपमान गरेको महशुस गरेर उद्घाटनका बेलामा शिलालेखमा ढुंगाले हानें, सके त फुटाउँथें,’ उनले भनिन्। शिलालेखमा नाम थप्ने सहमति भएको उपमेयर थापाको दाबी छ।‘२–३ दिनमा नाम थप्ने सहमति भएकाले आज तीनै वडाको भवन उद्घाटन भइसक्यो,’ उनले भनिन्।

तर मेयर चौधरीले भने शिलालेख सच्याउने विषयमा कुनै सहमति नभएको बताएका छन्।‘वडा समितिले बनाउने हो, यसबारे मैले भन्ने होइन,’ उनले भने।मेयर चौधरीले उपमेयरको कुनै अपमान नगरेको दाबी गरेका छन्। उहाँले अनावश्यक विवाद गर्नुभएको हो, यसको केही समाधान छैन,’ उनले भने।

निर्मल (एसपी) थापा

लेखकबाट थप

• शनिवार, कार्तिक १ २०७७०७:१२:०३

• देवदहमा लायन्स क्लब अफ देवदह प्रोफेशनल युथको आयोजनामा ‘पिस पोस्टर कन्टेस्ट’

• एनप्याब्सन रुपन्देहीद्वारा शिक्षकलाई एआई र आईसीटीमा आधारित नवीन शिक्षण पद्धतिबारे तालिम

• दुबईमा अक्टोबर ४ मा नेपथ्यको भव्य लाइभ कन्सर्ट हुने

• मगर महिला संघको स्थापना दिवस : सशक्तिकरण र नेतृत्व विकासमा जोड

• संविधान दिवस तथा राष्ट्रिय दिवसमा दुबईमा झण्डोत्तोलन, शहीदप्रति सम्मान