बुधवार, आश्विन १४ गते २०८३
बुधवार, आश्विन १४ गते २०८३
माघ १६ । राष्ट्रिय दलित पत्रकार संघ नेपालको बुटवलमा हुने राष्ट्रिय सम्मेलनको तयारी तिव्र पारीएको छ । यही फाल्गुन २१ र २२ गते बुटवलमा हुने सम्मेलनको तयारीका सन्र्दभमा छलफल गर्न शुक्रबार संघको रुपन्देही शाखाको बैठक बसेको छ । संघका रुपन्देही अध्यक्ष टंक सुनारको अध्यक्षतामा बसेको बैठकले राष्ट्रिय सम्मेलन सम्पन्न गर्नका लागि रुपन्देही शाखाले आतिथ्यता गर्ने र संघका सदस्यहरुलाई थप क्रियाशिल बनाउने निर्णय गरेको सचिव सुरेश परीयारले जानकारी दिनु भयो ।
बैठकमा संस्थाका उपाध्यक्ष सशी परीयार, कोषाध्यक्ष कृष्ण रणपाल, सदस्यहरु भरत नेपाली, सिता दर्नाल र प्रमोद नेपाललीले बोल्दै सम्मेलन सम्पन्न गर्नका लागि सबै एकजुट हुनु पर्नेमा जोड दिनु भयो ।
.jpeg)
उहाँहरुले राष्ट्रिय सम्मेलन बुटवलमा हुनु संघको रुपन्देही शाखाका लागि अवशर र चुनौती दुवै भएकाले आर्थिक व्यवस्थापनमा जोड दिनु पर्ने बताउनु भयो । सो अवशरमा संस्थाका सचिव सुरेश परीयार रेडियो सैनामैना ९१ मेगाहर्जको स्टेशन म्यानेजर नियुक्त भएकोमा खादा ओढाएर कार्य सफलताको शुभकामना प्रदान गरीएको थियो । सचिव परीयारलाई शुभकामना दिदै अध्यक्ष टंक सुनारले रेडियोको माध्यमबाट दलित समुदाय लगायत पछाडी पारीएका समुदायको उत्थानमा बिशेष भुमिका खेल्न आग्रह गर्नु भयो ।
रुपन्देहीका संञ्चारमाध्यमहरुमा ब्यवस्थापन र सम्पादन तहमा दलित समुदायको उपस्थिती ज्यादै न्यून रहेको उल्लेख गर्दै दलित समुदायको कार्यक्षमता अभिबृद्धिमा लाग्नु पर्नेमा जोड दिनु भयो । संघको राष्ट्रिय सम्मेलनमा देशभरबाट करीब २ सय दलित समुदायका पत्रकारहरुलाई बुटवलमा उतार्ने संघको तयारी रहेको छ । सम्मेलनको तयारीका लागि संघका केन्द्रिय सदस्य रीता बुढाथोकीको संयोजकत्वमा सम्मेलन व्यवस्थापन समिति गठन भइसकेको छ ।
Copyright © All right reserved to Lumbini Pana Site By: Sobij
