मंगलवार, आश्विन १३ गते २०८३
मंगलवार, आश्विन १३ गते २०८३
भाद्र ४ । नेपाल आईडलको सिजन ४ मा निर्णायकहरु परिवर्तन भएका छन । देशकै प्रतष्ठित गायन रियालीटि शो “नेपाल आईडल” को चौथो संस्करण पनि सुरु भई सकेको छ । एपिवान टेलिभिजनले भित्राएको चौथो संस्करणका लागि प्रस्तोता र निर्णायक फाईनल भएका हुन । पछिल्लो अडिसनमा नदेखिएका जर्जहरुलाई यस अडिसनमा देख्न पाईने भएको छ ।
नेपाल आईडल सिजन ४ को लागि होस्ट यस अघिको सिजनमा प्रस्तोताको भुमिकामा रहेका असिफ शाहसगै रेश्मा घिमिरे रहेकी छन । त्यस्तै यस सिजनमा सम्भुजित बास्कोट, सुगम पोखरेल, सुवानी मुक्तान निर्णायकहरुको भूमिकामा रहने छन ।
भदौ १ गतेबाट डिजिटल अडिसन सुरु भएका हो । संगितमा ईच्छुक हुनेहरुले भदौ ३१ गतेसम्म अडिसन दिन सक्नेछन । अडिसन दिन मोबाइल फोनको ‘प्ले स्टोर’मा गएर एपिवानको एप्लिकेसन डाउनलोड गर्नु पर्नेछ । अडिसन ओपनमा गएर नेपाल आइडल क्लिक गरेर मागिएको विवरण भर्नुपर्नेछ र आफ्नो स्वरमा दुईवटा फरक विधाका गीत रेकर्ड गरेर अपलोड गर्नुपर्ने निर्माण पक्षले जनाएको छ ।
Copyright © All right reserved to Lumbini Pana Site By: Sobij
