सोमवार, आश्विन १२ गते २०८३
सोमवार, आश्विन १२ गते २०८३
शिक्षा
काठमाडौं । विद्यालय शिक्षा विधेयकको बिरोधमा काठमाडौं केन्द्रित आन्दोलन सुरु भएको छ ।
सो विधेयकको बिरोधमा आज देशभरका शिक्षक कर्मचारीहरू काठमाडौँमा केन्द्रित भएर आन्दोलनमा उत्रिएका हुन्।
.jpeg)
विद्यालय शिक्षा विधेयकको विरोधमा काठमाडौँमा सडक आन्दोलन गर्नका लागि ७७ वटै जिल्लाबाट राहत, करार, बाल विकास, स्थायी लगायतका शिक्षक कर्मचारी काठमाडौँ आएका छन् ।
नेपाल शिक्षक महासंघको आह्वानमा आज ११ बजेदेखि माइतीघर मण्डलामा विरोध प्रदर्शन सुरु भएको छ।
प्रस्तावित विद्यालय शिक्षा विधेयकमा नेपाल शिक्षक महासङ्घको मुख्य माग के हो ?
• अस्थायी प्रकृतिका शिक्षकलाई विगतका सहमतिका आधारमा स्थायी गर्नुपर्ने,
• विद्यालय कर्मचारीको दायीत्व संघीय सरकारले वहन गर्नुपर्ने,
• इसिडि शिक्षकलाई प्राथमिक तृतीय शिक्षक सरहको दरबन्दीमा लैजानुपर्ने, संघीय शिक्षा ऐन जारी हुनुभन्दा अगाडि नियुक्त भएका शिक्षकहरुको हकमा पुरानै प्रणाली अनुसार पेन्सन हुनुपर्ने,
• अस्थायी प्रकृतिका शिक्षक स्थायी भएमा पेन्सन प्रयोजनका लागि अस्थायी सेवाअवधि गणना हुनुपर्ने,
• एउटै श्रेणीमा लामो समय सेवा गरेका शिक्षकहरु वढुवा हुन नसक्ने विद्यमान कानुनलाई परिमार्जन गरेर आवधिक वढुवाको व्यवस्था हुनुपर्ने,
• शिक्षकको तलबभत्ता र ग्रेड निजामती कर्मचारीको भन्दा कम हुने छैन भन्ने स्पष्ट व्यवस्था हुनुपर्ने,
• प्रधानाध्यापकको नियुक्ति शिक्षक सेवा आयोगको खुला प्रतिस्पर्धाबाट हुनुपर्ने,
शिक्षक तालिमका लागि शिक्षण काउन्सिलको व्यवस्था हुनुपर्ने,
• शिक्षक सरुवाको अधिकार स्थानीय तहमा दिन नहुने,
• सामुदायिक विद्यालयका शिक्षक दरबन्दी स्थानीय तहमा दिन नहुने,
• संस्थागत विद्यालयका शिक्षकको सेवा सुविधा सामुदायिक विद्यालयका शिक्षक सरह हुनुपर्ने,
• शिक्षक कर्मचारी माथि कारबाहीको अधिकार स्थानीय तहमा दिन नहुने,
• शिक्षकलाई दिदै आएको औषधि उपचारको थप रकममा कटौति गर्न नहुने ।
Copyright © All right reserved to Lumbini Pana Site By: Sobij
