बुधवार, आश्विन १४ गते २०८३
केरवानी मावि
माघ १५, देवदह । शिक्षालाई सीप संग जोडेर लैजान आवश्यक रहेको देवदह नगरपालिका प्रमुख धु्रवप्रसाद खरेलले बताउनु भएको छ । उहाले शिक्षाको विकासले मात्र समाज परिवर्तन गर्न सकिने भएकोले नगरपालिकाले शिक्षालाई प्राथमिकता दिएर अगाडि बढिरहेको बताउनु भयो । केरवानी माध्यमिक विद्यालय देवदह–५, को ७० औं बार्षिकोत्सव, अभिभावक दिवस तथा प्रगति केन्द्रमा निर्माण गरिएको मन्टेश्वरी भवन उद्घाटन गर्दै उहाले उक्त कुरा बताउनु भएको हो ।
नगर प्रमुख खरेलले देवदहलाई शैक्षिक हवको रुपमा विकास गर्ने गरी नगरपालिका लागि रहेको दावी गर्नु भयो । उहाँले गुणस्तर र प्रविधिक शिक्षाले मात्र दक्ष जनशक्ति उत्पादन हुने बताउँदै त्यसको लागि सवै एकतावद्ध भएर लाग्नु पर्नेमा जोड दिनु भयो । उहाँले शैक्षिक क्षेत्रमा केरवानी माविको भूमिका महत्वपूर्ण रहेको बताउदै शिक्षाको नेतृत्व यसै विद्यालयले गर्नुपर्नेमा जोड दिनु भयो ।
सोही अवसरमा बोल्दै देवदह नगरपालिकाका प्रमुख प्रशासकीय अधिकृत कृष्णप्रसाद सापकोटाले अहिलेकाो शिक्षा प्राणालीमा केही सुधार गर्न आवश्यक रहेको बताउनु भयो । उहाँले सामुदायिक शिक्षालाई बलियो बनाउने गरी विद्यालयहरु लाग्न आग्रह गर्नु भयो । शिक्षाको विकासको लागि नगरपालिका लागिरहेको बताउँदै त्यसको लागि विद्यालय व्यवस्थापन समितिले चासो दिनु पर्नेमा जोड दिनु भयो ।
केरवानी माध्यमिक विद्यालय व्यवस्थापन समितिका कार्यवहाक अध्यक्ष शुसिला भट्टराईको अध्यक्षतामा भएको कार्यक्रममा उपप्रमुख विद्यालक्ष्मी गुरुङ्ग, नगर शिक्षा अधिकारी टिकाराम शर्मा, देवदह आदर्श बहुमुखी क्याम्पस प्रमुख मित्रलाल न्यौपाने, महामाया भवानी माध्यमिक विद्यालयका ऋषिश्वर अर्याल लगायतले आ–आफना भनाई राख्नु भएको थियो ।
कार्यक्रममा केरवानी माध्यमिक विद्यालयको बर्ष शिक्षकको रुपमा सञ्जयकुमार शुक्लालाई सम्मान गरिएको थियो । यसैगरी कार्यक्रममा अवकास प्राप्त पुर्व शिक्षकहरु, प्रथम राष्ट्रपति कप प्रतियोगितामा द्धितिय हुने खेलाडीलाई सम्मान गरिएको थियो । यसैगरी विद्यालयको बार्षिकोत्सवको अवसरमा आयोजित विभिन्न खेलकुद तथा कार्यक्रमका विजेता विद्यार्थीहरुलाई पुरस्कृत गरिएको थियो ।
कार्यक्रममा विद्यालयका प्रधानाध्यापक निर्मल ढुंगानाले शैक्षिक प्रतिवेदन, अध्यक्ष भट्टराईले बार्षिक प्रतिवेदन प्रस्तुत गर्नु भएको थियो । विद्यालयका सहायक प्रधानाध्यापक कमल ज्ञवालीको स्वागत र शिक्षक प्रतिनिधि यज्ञप्रसाद अर्यालको संचालनमा कार्यक्रम सम्पन्न भएको थियो ।
लुम्बिनी पाना मिडिया प्रालिद्वारा सञ्चालित
लुम्बिनी पाना डटकम
सूचना तथा प्रसारण विभाग दर्ता नं-३२७९/०७८/०७९ प्रधान कार्यालय:देवदह-३ रुपन्देही
कर्पाेरेट कार्यालय : बुटवल -१०,रुपन्देही
मुख्य शाखा कार्यालय : तिनाउ गाउँपालिका -३ ,पाल्पा समाचार तथा विज्ञापनको लागि ९८५७०८३४५० ,९८४२००२४७८ Email:lumbinipana312@gmail.com
समाचारको लागी : newslumbinipana@gmail.com
प्रबन्ध सम्पादक : निर्मल एसपी थापा
कार्यकारी सम्पादक :एलबी सर्बुजा सम्पादक : सुनिता थापा
Copyright © 2026 All right reserved to Lumbini Pana Site By: Sobij