सुमन कार्की,
पाल्पा, २६ जेठ । पाल्पामा थप २ जनामा कोरोना संक्रमण पुष्टि संगै आईसोलेसनमा रहेका १ जनाको मृत्यु भएको छ । पाल्पाको लुम्बिनी मेडिकल कलेजमा उपचारत दुईजनामा कोरोना संक्रमण पुष्टि भएको हो भने एक जना आइसोलेसनमा उपचारार्थ व्यक्तिको मृत्यु भएको छ जस्को रिपोर्ट भने आउन वाँकी रहेको छ ।

गुल्मीको मालिका गाउँपालिका ३ का ६७ वर्षीय पुरुषको उपचारको क्रममा सोमबार बिहान मृत्यु भएको अस्पतालका सूचना अधिकारी डा। राजु शाक्यले जानकारी दिनुभयो ।

आइतबार उपचारका लागि अस्पताल आएका बिरामीमा श्वास फेर्न गाह्रो हुने, ज्वरो आउने जस्ता समस्या देखिएपछि आइसोलेशन कक्षमा उपचारका क्रममा मृत्यु भएको र उनको पीसीआरको नतिजा आउन बाकी रहेको डा। शाक्यले बताउनुभयो ।

सोमबार प्रदेश जनस्वास्थ्य प्रयोगशाला भैरहवामा भएको परीक्षणमा पूर्वखोला गाउँपालिका १ सिलुवाका २३ वर्षीय पुरुष तथा गुल्मीको रूरू गाउँपालिका १ का ३२ वर्षका पुरूषमा कोरोना पोजिटिभ देखिएको स्वास्थ्य कार्यालय पाल्पाका निमित्त प्रमुख विश्वनाथ न्यौपानेले जानकारी दिनुभयो ।

उनीहरु दुवैजनाको तानसेनस्थित लुम्बिनी मेडिकल कजेलमा उपचार भैरहेको न्यौपानेले बताउनुभयो । उनीहरुको स्वास्थ्यमा समस्या देखिएपछि जेठ २२ गते थप उपचारका लागि मेडिकलमा पठाइएको पूर्वखोला गाँउपालिकाका स्वास्थ्य संयोजक ढकालले जानकारी दिनुभयो ।

यसअघि पाल्पाको मिसन हस्पिटलमा मृत्यु भएका पुरुषसंगै आएका ४१ जना मध्येका ३९ जनाको स्वाव परीक्षण भोलिदेखि गरिने तयारी भएको गाउँपालिकाले जनाएको छ । पाल्पामा पर्याप्त किट नहुदा परीक्षणमा ढिला भएको हो ।

जवकी २० गतेनै एकजना पुरुषको कोरानाका कारण मृत्यु भैसकेको थियो । पाल्पामा यसअघि ८ जनामा कोरोना संक्रमण पुष्टि भएको थियो भने एक जनाको मृत्यु भएको छ । ६ जना संक्रमित तानसेनको वृद्धाश्रमको आइसोलेशनमा र २ जना रामपुरको आइसोलेशनमा रहेका छन् ।
संक्रमितहरु सबैको स्वास्थ्य अवस्था सामान्य रहेको र उनीहरुको आइसोलेशनमा उपचार हुँदै आएको स्वास्थ्य कार्यालय पाल्पाले जनाएको छ ।

• रोट्रयाक्ट क्लब अफ तिलोत्तमा देवदहको शुभकामना आदानप्रदान, उपसमितिका सदस्यलाई प्रशिक्षण

• देवदह-५ का २१ वटा टोल विकास संस्थाको संयुक्त बैठक, सामाजिक विकृति नियन्त्रणमा जोड

• देवदहमा विश्व पोलियो दिवसको सन्दर्भमा जनचेतनामूलक साइकल र्‍याली आयोजना हुँदै

• रोटरी क्लब अफ देवद्वाराद्वारा १० लाख रुपैयाँ बराबरको विपद् पूर्वतयारी तथा राहत सामग्री हस्तान्तरण

• लायन्स अभियानलाई थप प्रभावकारी बनाउन अभिमुखीकरण कार्यक्रम