सोमवार, आश्विन १२ गते २०८३

Logo सोमवार, आश्विन १२ गते २०८३

TRENDING :

  • #
  • #
  • #
  • #
  • #
    • images
    images

    राजनीतिक दलको अखडा बन्दै सामुदायिक विद्यालय

    राजनीतिक दलको अखडा बन्दै सामुदायिक विद्यालय

    विष्णु प्रसाद पौडेल

    images
    लुम्बिनी पाना
  • 240
    SHARES
    • images
    images
    images
    राजनीतिक दलको अखडा बन्दै सामुदायिक विद्यालय
    images
    images
    images

    नेपालमा सामुदायिक विद्यालयहरु मुलतः शिक्षामा समान पहुँच सुनिश्चित गर्ने र राज्यको जिम्मेबारी पुरा गर्ने उदेश्यले खोलिएका हुन् । नेपालको संविधान २०७२ ले शिक्षालाई मौलिक हक अन्तर्गत धारा ३१ मा आधारभुत तहको शिक्षा अनिवार्य र निः शुल्क त्यस्तै माध्यमिक तहको शिक्षा निःशुल्क पाउने हक सुनिश्चित गरेको छ । यसको सफल कार्यन्वयनको लागि सामुदायिक विद्यालयहरुमा गरिब तथा विपन्न वर्गका बालबालिकहरुलाई पनि समान शिक्षाको पहुँचमा पुर्याउन सक्ने र गुणस्तरीयशिक्षा दिन सक्ने बनाउनुपर्ने दायित्व राज्यको हो । जनताको कर, श्रमदान समुदायको सक्रिय सहभागितामा सञ्चालन हुने यी विद्यालययहरुमा भौतिक पूर्वाधारको अभाव, शिक्षक दरबन्दीको उपलब्धता नहुनु दरबन्दी भएको ठाउंमा पनि योग्य शिक्षक नहुन र सिमिति स्रोत साधनका बावजुत संचालन भइरहेको छन् । तसर्थ यिनीहरुलाई सुदृढ बनाउन पर्याप्त लगानी दक्ष शिक्षक भौतिक संरचना र आधुनिक प्रविधि उपलब्ध गराउनु राज्यको दायित्व हो । सामुदायिक विद्यालयको सुधार गरी सबै नागरिकलाई शिक्षको पहुँचमा ल्याउनुको सट्टा राजनीतिक दलहरुको अखडा बन्दै गएको गुनासो ब्यापक रुपमा उठ्न थालेको छ । 

    सामुदायिक विद्यालयहरुमा प्रत्यक्ष रुपमा विद्यालय ब्यवस्थापन समिति गठन प्रक्रियामा , प्राचार्य नियुक्ति, शिक्षक सरुवा, वढुवा भौतिक पूर्वाधारहरु निमार्ण गर्दा दिने ठेक्का, विद्यालयको आय–व्यय, आन्तरिक स्रोत परिचालनमा समेत राजनीतिक दलहरुको हस्तक्षेप हुने गरेको पाइन्छ । विशेषगरी विद्यालय ब्यवस्थापन समिति गठन प्रक्रियामा त दलहरु प्यानल नै बनाएर जनप्रतिनिधि सहित भोट माग्न घरदैलोमा पुगेको हामीले प्रत्यक्ष देखिरहेका छौँ । पार्टीको झण्डा मुनि जनप्रतिनिधी सहित हिड्दा ति कलिला बालबालिकको मस्तीष्कमा के असर पर्ला ? के हामीले त्यतातिर ध्यान दिएका छौ । विद्यार्थीहरुलाई गुणस्तरीय शिक्षा कसरी प्रत्याभूति गर्न सकिन्छ भन्नेतिर सबैको ध्यान जानुपर्ने होइन र ? तर तिनै विद्यार्थीको पठनपाठनलाई प्रभाव पर्ने गरि शैक्षिक संस्थामा प्रत्यक्ष राजनीतिक हस्तक्षेप किमार्थ स्वीकार गर्नु हुदैन । अब सबै अभिभावक सचेत हुन जरुरी छ । शिक्षकहरुले गुणस्तरीय शिक्षा दिनेतर्फ लाग्नुको साटो दलको आदेश पालना गर्नु परेको छ ? अनि कसरी सुधार्न सकिन्छ सामुदायिक शिक्षा ? 

    images
    images
    images

    सामुदायिक विद्यालयलाई राजनीतिबाट मुक्त गराउन सकिएन भने शिक्षामा देखिएको असमानता झन भन्दा झन बढेर जान्छ । सामुदायिक विद्यालयहरु झन भन्दा झन पछाडि धकेलिदै जान्छन् । सामुदायिक विद्यालय सुधारका लागि विद्यालय ब्यवस्थापन समिति गठन गर्दा दलगत भागबन्डाभन्दा बढी स्थानीय समुदाय, पेशागत योग्यता र अभिभावकको प्रतिनिधित्वलाई प्राथमिकता दिनुपर्दछ । शिक्षक सरुवा वढुवा र नियुक्ति प्रक्रियामा पूर्ण पारदर्शिता अपनाई योग्य र क्षमतावान ब्यक्तिलाई प्राथमिकता दिनुपर्दछ , नकि राजनीतिक दल निकटको ब्यक्ति । स्थानीय सरकारले दलिय हस्तक्षेप रोक्नु पर्दछ । त्यसैगरि शिक्षक, अभिभावक, विद्यार्थी र समुदायबीच शिक्षा सुधारका लागि साझा अभियान सञ्चालन गर्नुपर्दछ । 

    राजनीतिले देश बनाउछ भने शिक्षाले राष्ट्र निमार्ण गर्छ । भन्ने मान्यतालाई आत्मसाथ गर्दै तीनै तहका सरकारको प्राथमिकताको क्षेत्र शिक्षा हुन सक्यो भने मात्र सामुदायिक विद्यालयहरुलाई आकर्षक, प्रतिष्पर्धी बनाउन सकिन्छ । त्यस्तै सरकारी, निजी, साझेदारी (Public Private Partnership) को मोडलबाट सामुदायिक र निजी विचको सुमधुर सम्बन्ध, अनुभव आदान प्रदान गरेर अगाडी बढ्नु पर्दछ । विद्यालयलाई राजनितीबाट मुक्त बनाउनै पर्छ । राजनिति आफ्नो ठाउँमा रहोस् विद्यालय आफ्नै ठाउँमा रहोस् , राजनीति होइन, शिक्षा हाम्रो भविष्य हो भन्ने मान्यतालाई सबैले अंगिकार गरौँ ।

    सामुदायिक विद्यालयलाई राजनितिक दलको अखडा होइन, ज्ञान, मूल्य, मान्यता र अनुशासनको सिकाई केन्द्र बनाउन सक्यौ भने मात्र नेपालको शिक्षा प्रणाली सवल र दिगो बन्नेछ । शिक्षा कुनै दलको स्वार्थ पूर्ती गर्ने साधन होइन, राष्ट्र निमार्ण गर्ने आधार हो । त्यसैले सामुदायिक विद्यालयलाई राजनीतिक हस्तक्षेपमुक्त , पारदर्शी, गुणस्तरीय बनाउने दायित्व राज्य, राजनीतिक दल, शिक्षक, अभिभावक र सम्पूर्ण समुदायको साझा जिम्मेवारी हो ।

    विष्णु प्रसाद पौडेल

    उप महासचिब, एन प्याब्सन नेपाल

    images
    images

    लुम्बिनी पाना

    लेखकबाट थप

    images
    images
    images
    ताजा अपडेट
    images
    images
    images
    सम्बन्धित समाचार

    देवदहमा लायन्स क्लब अफ देवदह प्रोफेशनल युथको आयोजनामा ‘पिस पोस्टर कन्टेस्ट’

    लुम्बिनी शिक्षा निकेतनको २१ औँ वार्षिक साधारण सभा तथा छैटौँ अधिवेशन, नयाँ सञ्चालक समिति सर्वसम्मत चयन

    इप्सा रुपन्देहीको आयोजनामा जुनियर तथा सिनियर निबन्ध लेखन प्रतियोगिता

    जनप्रिय माध्यमिक विद्यालयलाई ४५ हजार बराबरको कम्पाउण्ड माइक्रोस्कोप हस्तान्तरण

    सोसिअल मिडिया

    सम्पर्क

    लुम्बिनी पाना मिडिया प्रालिद्वारा सञ्चालित

    लुम्बिनी पाना डटकम

    सूचना तथा प्रसारण विभाग दर्ता नं-३२७९/०७८/०७९ 
    प्रधान कार्यालय:देवदह-३ रुपन्देही 

    कर्पाेरेट कार्यालय : बुटवल -१०,रुपन्देही

    मुख्य शाखा कार्यालय : तिनाउ गाउँपालिका -३ ,पाल्पा 
    समाचार तथा विज्ञापनको लागि 
    ९८५७०८३४५० ,९८४२००२४७८
    Email:lumbinipana312@gmail.com

    समाचारको लागी : newslumbinipana@gmail.com

    हाम्रो टिम

    प्रबन्ध सम्पादक : निर्मल एसपी थापा

    कार्यकारी सम्पादक :एलबी सर्बुजा 
    सम्पादक :  सुनिता थापा 


     

    हाम्रो बारेमा

    Copyright © All right reserved to Lumbini Pana Site By: Sobij