सोमवार, आश्विन १२ गते २०८३
सोमवार, आश्विन १२ गते २०८३
बैशाख ३१
कोरोना भाइरस (काेभिड-१९) को संक्रमण तीव्र बन्दै गएकाे भारतमा मंगलबार पनि ३५ सयभन्दा बढी नयाँ संक्रमित फेला परेका छन् ।
साेमबार त्यहाँ एकैदिनमा ३ हजार ६०७ नयांँ संक्रमित फेला परेकाेमा मंगलबार ३ हजार ५२४ नयाँ संक्रमित थपिएका हुन् । आइतबार भने भारतमा एकैदिन हालसम्मकै बढी ४ हजार ३५३ नयाँ काेराेना संक्रमित फेला परेका थिए ।
भारतमा काेराेना संक्रमितकाे संख्या ७४ हजार नाघेकाे वर्ल्डो मिटर्सको तथ्यांकले देखाएको छ । यो समाचार तयार पार्दासम्म भारतमा कोरोना संक्रमित संख्या ७४ हजार २९२ पुगेकाे छ । यसैगरी काेराेनाका कारण ज्यान गुमाउनेकाे संख्या २ हजार ४१५ पुगेकाे छ ।
.jpeg)
मंगलबार मात्र त्यहाँ १२१ जनाले काेराेनाका कारण ज्यान गुमाएका छन् । साेमबार भने ८२ जनाकाे मृत्यु भएकाे थियाे । आइतबार १११ जनाकाे मृत्यु भएकाे थियाे ।
यसैबीच भारतमा २४ हजार ४२० जना भने कोरोना संक्रमणबाट मुक्त भएर घर फर्किइसकेका छन् । बाँकी ४७ हजार ४५७ संक्रमित हाल उपचाररत रहेकाे वर्ल्डाेमिटर्सले जनाएकाे छ ।
एजेन्सी
Copyright © All right reserved to Lumbini Pana Site By: Sobij
