सोमवार, आश्विन १२ गते २०८३
सोमवार, आश्विन १२ गते २०८३
लुम्बिनी पाना, देवदह ।रुपन्देहीको देवदह -१० मा अवस्थित चरङ्गे भूमिगत खानेपानी तथा सरसफाई उपभोक्ता संस्थाको आयोजनामा उपभोक्ताको लागी निशुल्क स्वास्थ्य शिविर सम्पन्न भएको छ।बुधबार देवदहको चरङ्गेमा आँखा जांच, मधुमेह, कोलेस्ट्रोल तथा मृगौला परिक्षण शिविर सम्पन्न भएको हो।
संस्थाको २७५ उपभोक्ता सहभागी भएको बृहत् शिविरमा १७६ जनाको आँखा शिविर र ९९ जनाको मधुमेह, कोलेस्ट्रोल र मृगौला परिक्षण गरिएको संस्थाका अध्यक्ष पोम बहादुर जिसिले जानकारी दिनुभयो।
.jpeg)
लायन्स क्लब अफ बुटवल देउरालीको प्राविधिक सहयोगमा सम्पन्न आँखा जांच शिविरमा ३० जना मोतिया विन्दुको विरामी फेला परेको र उनीहरुलाई थप उपचारको लागि संस्थाले सहजीकरण गर्ने संस्थाले जनाएको छ।स्वास्थ्य शिविरको सहजीकरण भवानी सिटी हेल्थ क्लिनिक प्राली बुटवलले गरेको थियो।स्वास्थ्य शिविरको रिपोर्ट भने केही दिन पछि आउने क्लिनिकले जनाएको छ।
संस्थाका अध्यक्ष पोम बहादुर जिसी, संस्थाका उपाध्यक्ष खेमराज गुरुङ, सचीव खिम पुन लगायत संस्थाका प्रतिनिधी, कर्मचारी एवं उपभोक्ताहरुको कार्यक्रममा सहभागीता रहेको थियो।
Copyright © All right reserved to Lumbini Pana Site By: Sobij
