एक घर एक करेसा बारी अभियान अन्तर्गत किसानहरुलाई विऊ वितरण
एक घर एक करेसा बारी अभियान अन्तर्गत किसानहरुलाई विऊ वितरण
3.9K
SHARES
फागुन ६ देवदह ,रुपन्देहिको देवदह नगरपालिका वडा नम्बर ४ ले एक घर एक करेसा बारी अभियान अन्तर्गत वडामा बिउ वितरण गरेको छ । बेमौसमी तरकारी उत्पादन गरी उत्पादन बढाउने उद्देश्यले किसानहरुलाई विऊ वितरण गरिएको वडा कार्यालयले जनाएको छ ।करिव ११ सय किसानहरुलाई काक्रो, भेन्डी, लौका, करेला, बोडी, फर्सी, घिरौलाका विऊहरु वितरण गरिएको थियो । एक घर एक करेसावारी अभियान अन्तर्गत देवदह नगरपालिका ४, वडा कार्यालयले विऊ वितरण संगै किसानलाई तालिम समेत दिनेछ ।
बिउ वितरण कार्यक्रममा बोल्दै देवदह नगरपालिका ४ का वडा अध्यक्ष दिपक चापागाईले वितरण गरिएको बिउ सहि ठाउमा सदुपयोग गर्न आग्रह गर्नुभएको थियो । बेमौसमी तरकारी खेति गरि तरकारी उत्पादन गर्न र बाहिर खरिद गर्नुपर्ने अवस्था नआउने गरि तरकारी उत्पादन हुनेमा आफु आशाबादी रहेको समेत उहाले बताउनु भयो ।
वडाअध्यक्ष दिपक चापागाईको अध्यक्षतामा भएको कार्यक्रममा नगरपालिका कृषि शाखाका चन्द्रकान्त भुज, वडा सदस्यहरु रामबहादुर चौधरी, मनकुमारी थापा, आशा मुसहर लगायतले बोल्नु भएको थियो ।वडा सदस्य शान्ता भट्टराईको स्वागत र वडा सचिव विष्णु पोखरेलको संचालनमा कार्यक्रम सम्पन्न भएको थियो ।