चैत्र १७ ,देवदह ।विश्व भर फैलिरहेको कोरोना भाइरसको असर नेपालमा पनि व्यापक रुपमा परेको छ । कोरोना संक्रमणको जोखिम फैलिन नदिन नेपाल सरकारले लक डाउन गरेको छ ।यसको असर आफ्नो परिवार पाल्न प्रत्येक दिन श्रम गर्ने र सोहि आम्दानीबाट आफ्नो गुजारा गर्ने निम्न बर्गका मजदुर र श्रमिकलाइ प्रतक्ष्य रुपमा परेको छ ।
श्रमीक र हुदा खाने बर्गका अति बिपन्न परिवारलाई मध्य नजर गर्दै देवदह नगरपालिका वार्ड नं ४ का वडा अधक्ष्य दिपक चापागाईको पहल र अन्य सहयोगी मनहरु दिपेश बिक्रम मल्ल ,मनिष पंगेनी ,अजयमान श्रेष्ठ ,शोभाखर भुर्तेल, चक्रपाणी तीवारी,शिव पाण्डे, धनपति पन्थ लगायतको सक्रियतामा देवदह ४ का अति बिपन्न ६० घरधुरी परिवारलाई राहत वितरण गरिएको छ ।
प्रत्येक घरधुरीमा ५ केजी आटा, १ केजी दाल, १ केजी सोयाबिन, १ लिटर तेल र नुन गरी रु ५०,००० बराबरको खाधन्न उपलब्ध गराइएको छ । सो राहत वितरण बाट ६० घरधुरीका करिब ३०० वडा बासीहरु प्रत्यक्ष रुपमा लाभान्वित भएको र राहत वितरण गर्दा न्युनतम ३ फिटको दुरी कायम गरि वितरण गरिएको बताइएको छ ।