सोमवार, आश्विन १२ गते २०८३
सोमवार, आश्विन १२ गते २०८३
चैत्र १६, देवदह । रुपन्देहीको देवदहमा संचालित वडास्तरीय खुल्ला पुरुष भलिबल प्रतियोगिता अन्तर्गत शुक्रबार विभिन्न खेलहरु सम्पन्न भएका छन । स्वतन्त्र भूतपुर्वक सैनिक कल्याणकारी परिवारको आयोजना र देवदह नगरपालिकाको सहयोगमा देवदह- ६ स्थित स्वतन्त्र भूतपुर्वक सैनिक कल्याणकारी परिवारको कार्यालय परिसरमा भएको
प्रतियोगितामा चरेङ्गे भलिबल क्लव, सरनवारी भलिबल क्लव, न्यु देवदह भलिबल क्लव विजय हुदै दोश्रो चरणमा प्रवेश गरेको छ ।
प्रतियोगिता अन्तर्गत पहिलो खेलमा चरङ्गे भलिबल क्लबले चारपाला सुनवललाई २५–२२, २९–२७ को सोझो सेटमा हराउदै चरङ्गे भलिबल क्लब दोश्रो चरणमा प्रवेश गरेको हो । त्यसैगरी दोश्रो खेलमा सरनवारी भलिबल क्लवले देवदह ७ शितलनगरलाई हराउदै दोश्रो चरणमा प्रवेश गरेको छ ।सरनवारी भलिबल क्लवले २८–२६, १५–११ म दुई सेट जित्न सफल भएको थियो भने शितलनगरले २५–१९ अंक ल्याउदै एक सेट जित्न सफल भएको थियो ।
.jpeg)
प्रतियोगिता अन्तर्गतको तेश्रो खेलमा न्यु देवदह भलिवल क्लवले तिलोत्तमा–८, लाई हराउदै दोश्रो चरणमा प्रवेश गरेको छ । खेलमा २५–१८, १५–१२ मा दुई सेट जित्दै न्यु देवदहह भलिवल क्लव दोश्रो चरणमा प्रवेश गरेको छ भने तिलोत्तमा २५–१८ मा एक सेट जित्न सफल भएपनि खेलबाट बाहिरीएको छ । त्यस्तै आजै सम्पन्न भएको पिडिखोला स्याङ्जा र मानपकडीबिच भएको खेलमा पिडिखोला स्याङ्जाले मानपकडीलाई पराजित गर्दै दोस्रो चरणमा प्रवेश गरेको छ।
प्रतियोगिताका विजेताले नगद ४१ हजार, उपविजेताले नगद ३१ हजार, तृतिय हुने टिमले नगद २१ हजार र सात्न्वना हुने टिमले नगद ७ हजार सहीत मेडल र ट्रफी प्राप्त गर्ने खेल संयोजक मिलन मास्की रानाले जानकारी दिनु भयो ।
प्रतियोगितामा विद्यागत पुरस्कार समेत रहेको रानाले जानकारी दिनु भयो । प्रतियोगितामा रुपन्देही, पाल्पा, स्याङ्गजा, नवलपरासी जिल्लाका खेलाडीहरु सहभागि रहेको रानाले जानकारी दिनु भयो ।
Copyright © All right reserved to Lumbini Pana Site By: Sobij
