सोमवार, आश्विन १२ गते २०८३
सोमवार, आश्विन १२ गते २०८३
असार १२ दैलेख।दैलेखको नौमूले गाउँपालिकाका कोरोना संक्रमित क्वारेन्टाइनबाट भागेका छन् । भैरव माविको क्वारेन्टाइनमा राखिएका २१ जना कोरोना संक्रमित बिहीबार राती भागेको गाउँपालिकाले जनाएको छ ।
उनीहरुलाई क्वारेन्टाइनमै फर्काउन प्रहरी परिचालन गरिएको छ । नौमूले बजारस्थित भैरव माविमा रहेको क्वारेन्टाइनमा ९४ जनालाई राखिएको थियो ।झण्डै दुई हप्तासम्म पनि दोस्रो पटक पीसीआर परीक्षण नगरिएको भन्दै संक्रमित क्वारेन्टाइनबाट भागेको बताइएको छ । भागेकामध्ये केहीलाई बिहीबार राति नै ल्याइएको नौमूले गाउँपालिकाका अध्यक्ष भदे बुढामगरले बताए । बाँकीलाई ल्याउन प्रहरी परिचालन गरिएको छ ।
.jpeg)
अध्यक्ष बुढामगरले सबै संक्रमितको खोजी कार्य जारी रहेको बताए । संक्रमित भागेको खबर आएपछि जिल्ला प्रहरी कार्यालय दैलेखबाट थप प्रहरी परिचालन गरिएको डीएसपी हरिबहादुर ओलीले बताए । नौमूले गाउँपालिकामा एक सय ४६ जनामा कोरोना पुष्टि भईसकेको छ । ती मध्ये ७ जना डिस्चार्ज भईसकेको स्वास्थ्य सेवा कार्यालयले जनाएको छ ।
अन्नपुर्ण बाट
Copyright © All right reserved to Lumbini Pana Site By: Sobij
